Thursday, February 09, 2006

والدى الأراجوز


أنا عندى يا ولاد الحلال حدوتة
أنا والدى هو اللى عاشها
ولا حد قبلى نقشها فى خبر ولا مخطوط
كان والدى بالطبع زيى أراجوز
ولكن حزاينىوأنا كنت واد قطقوطالخالق الناطق ..دماغى دماغه
الخالق الناطق..كما الشموط
كان صوته - الله يرحمه - صفارة
وجسمه رايح جاى زى الفارة
وعضمه يا نجارين بيلق فى الزعبوط
وف يوم من الأيام- خلى بالك معايا ..هنا العقدة
-ندهه الملك وكان ملك أعظم من العمدة
وعينه مضحك ولى العهده
وقاله:يا ألعب من القرموط
تضحك الولد أعلى مراتبك تبكى الولد أقطع رقبتك
اسمع كلامى وامشى بالمظبوط
والدى الله يرحمه ما كانش ناقصه
طلع سلاح أبيضانى وقطع رقبته بنفسه
راح الولد فى البكاوأنا والدى مات مبسوط
أنا والدى مات مبسوط لأنه عكس أمر الملك أيام ما كان الملك..ملك
ومصروف الأمل مضغوط
ومن ساعتها وانا عندى جيوب أنفيه
وعنيا كما الحنفية
والدمع منى وفيا بحر ماله شطوط
فؤاد حداد

0 Comments:

Post a Comment

Links to this post:

Create a Link

<< Home