الخط دا خطي
الخط دا خطي
والكلمة دي
ليا
غطى الورق غط
يبالدمع يا عنية
شط الزتون شطي
والارض عربية
نسايمها انفاسي
وترابها من ناسي
وان رحت انا ناسي
ما تنسانيش هى
والخط دا خطي
والكلمة دى ليا
لاكتب على عينى
يحرم عليكى النوم
واحبس ضيا عينى
بدموعى طول اليوم
قبل الوفا بديني
زي الصلا والصوم
والدين فى عرف الحر
هم ومذلة ومر
وشجون تصون وتجر
احزان مخبية
والخط دى خطي
والكلمة دى ليا
لاكتب على كفي
والحبر من دمي
ياهمتي كفي
يا عزوتى ضمي
اول ما ح نوفي
بالوعدح نسمي
باسم اللى ماتوا صغار
فى المدرسه والدار
والمصنع اللي انهار
فوق الصنا يعية
والخط دا خطي
والكلمة دى ليا
posted by NoOR at 4:09 PM
4 Comments:
نور بجد ماشاء الله القصيدة هايلة دي إنت اللي كاتبها؟
ربنا يوفقك
شكرا ....يا تاتي بس للأسف اتلكلام ده مش كلامي ده كلام عمنا أبو النجوم أحمد فؤاد نجم
عارف لما تلقي حد بينّقي من الكلام اللي بتحبة احلي مافية ويكتبه بدالك بتبقي عاوز تعمل اية
معرفش بس انا كدة دلوقتي
مطر ونجم وجاهين و حداد لو درويش بقي تبقي كملت
:)
Web Development Services company
Post a Comment
<< Home