كشفت راسي ودعيت عليك يابعيد
خيراللهم اجعله خير ..............آل ايه بفتح قناه الجزيره اشوف اخبار الدنيا الاقيلك ايه يامؤمن خبر يطس في وشي -اعتقال قاض و12 من عناصر كفاية في مصر- ده حسب اقوال الجزيره اون لاين قلت ينهار اسود هو القضاه كمان يعتقلوا ده كده ربنا يستر علي الغلابه امثالنا لما دول يدخل عليهم يدوبك 200 عسكري امن مركزي بضباطهم يدشدشوا عليهم مكان الاعتصام وينزلوا فيهم ضرب ده كلام السيد المستشار محمود عبد اللطيف حمزة اللي حاليا موجود في المستشفي بعد العلقه السخنه اللي كلها من ضابط و مجموعه عساكر ....ماساتي في هذا الموضوع ان اللي اعتدي عليه هذا الأعتداء مش تجار ملابس من بتوع وسط البلد واقفين علي الرصيف حيث ان السيد رئيس الحي قدم بلاغ بوجود اشغال طريق في شارع عبد الخالق ثروت قوم الشرطه بعتالهم البلديه تربيهم لأ ده دول قضاه ومستشارين ومحامين اللي هما فوق الشرطه بل والحكومه نفسها .اذا لما يضرب القضاه فطبيعي ان الناس الغلابه تولع وتغرق ويطلع عين اللي خلفوهم يبقي يروحوا يشكوا للقضاه آل يعني هاينجدوهم -مش لما ينجدوا نفسهم الأول- اللهم اني لا اسئلك رد القضاء ولكني اسئلك اللطف فيه
كشفت راسي ودعيت عليك يابعيد
posted by NoOR at 4:42 PM
<< Home