Saturday, May 20, 2006

البوسط ده لتاتي


رغم اني مكنتش ناوي اكتب حاجه علي البلوج لغايه ما ربنا يفك أسري و أخلص امتحانات ............................. بس يلا عشان خاطرتاتي .كانت عايزه تعرف مين مؤلف القصيده اللي مكتوبه في البروفيل عندي وبيقيتها.... طبعا طلبات تاتي اوامر.......أي خدمه يا تاتي
بيانات على تذكرة مسجون
أحمد فؤاد نجم
الاسم : صابر
التهمة : مصري
السن : أصغر سن عصري
رغم انسدال الشيب ضفاير ضفايرمن شوشتي لما لتحت خصري
المهنة : وارث عن جدودي والزمان
صنع الحضارة والنضارةوالأمان
البشرة: قمحي
القد : : رمحي
الشعر : أخشن م الدريس
لون العيون : أسود غطيس
الأنف : نافر كالحصان
الفم : ثابت في المكانولما جيت أزحزحه عن مطرحه
كان اللي كان
جهة الميلاد : في أي أوضة مضلمة
تحت السمامن أيّ دار وسط النخيل
مطرح ما يجري النيل
مادام ما يكونش قصر
الحكم : من سبع تلاف سنةوأناراقد سجين
أطحن على ضراسي الحجرمن الضجروابات حزين
ملحوضة : سألني سائل
حبستك طالت وليه ؟
لأني طيّب وابن نكته
وابن ايه
مفيش مخالفة ركبتها ضد القانون
لاني خايف
والقانون سيفه ف ايديه
تسأل عليا المخبرين
في أيّ حين
تسمع وتقهم
قصتي ألف وبيه
الاسم صابرعلى البلا
أيوب حمار
شيل الحمول من قسمتي
والانتظار
أغرق في أنهار العرق
طول النهاروألم همي في المسا
وأرقد عليه
عرفت ليه
أكتوبر 1974

20 Comments:

Blogger taty said...

الله تحفة يانور و بجد دي أول مرة أقراها مع إني من عشاق أحمد فؤاد نجم
شكراً قووووووووووووي يا نور
وربنا يوفقك و ينجحك يــــــــــــارب

5/21/2006 12:59:00 AM  
Blogger taty said...

أنا كنت هخاصمك بس كدة بقا سماح

5/21/2006 12:59:00 AM  
Blogger الدواء فيه سم قاتل said...

جامدة يا واد يا نور .. على فكرة يا جماعة .. نور ده هو الأب الروحى ليا فى موضوع البلوجز ده .. ربنا ينجحك بقى يابنى .. دا أنا زهقتلك

5/21/2006 05:49:00 AM  
Blogger taty said...

نور مش عارفة ليه صورة البروفايل بتاعتك بتفكرني بفيلم اللص و الكلاب
بس هي لايقة قوي على القصيدة

5/21/2006 08:04:00 AM  
Blogger NoOR said...

تخاصميني ليه بس يا تاتي......ده أنا غلبااان
شكرا قوي يا تاتي

عسويات حبيب قلبي مرحبا بك لأول مره علي البلوج .البلوج نور بيك

شكرا قوي علي حكايه جود فازر دي ..... انت عارف ان الشبه بيني وبين آل باتشينو كبييييييييير

5/21/2006 12:43:00 PM  
Blogger NoOR said...

علي فكره يا تاتي أنا عندي سوفت كوبي لمعظم اعمال أحمد فؤاد نجم لو عايزه منها أي حاجه قوليلي

5/21/2006 12:44:00 PM  
Blogger bosbos said...

يابني رووح ذاكر يابني

5/21/2006 01:24:00 PM  
Blogger NoOR said...

مش عارف اذاكر كل ما اقعد علي ورق المادة الأولانيه اقول ياد لسه قدامك اسبوع بحاله ربنا يستر ومالقيش الامتحان بكره.......ادعولي ربنا يهديني واذاكر

5/21/2006 02:48:00 PM  
Blogger الدواء فيه سم قاتل said...

ربنا يهديك يا خويا .. انت متأكد يا نور انه ورق المادة الاولانية .. يا خوفى لتكون بتذاكر فى ورق مادة تانية

5/21/2006 09:35:00 PM  
Blogger m_elsewedy said...

هههههههههههههههههههههه
ده احتمال كبير جدا يا عيسوى انه يكون بيقرا فى ورق مادة تانية
نور وعارفينه كويس

5/21/2006 11:56:00 PM  
Blogger NoOR said...

اتلم ياد منك له مش عايزين طوله لسان.........انتوا عارفني

آآآآل ورق ماده تانيه آآآآل فاكرني مسطول..............ده ورق السنه الل فاتت ياذكي منك له

5/22/2006 12:01:00 PM  
Blogger m_elsewedy said...

هههههههههههههههههههه
كنت حاسس
:P

5/22/2006 04:19:00 PM  
Blogger change destiny said...

بقالي مدة مقرتهاش ... نجم كلامه بسيط و بيوصل بسرعة

ربنا معاكم في الامتخانات

5/22/2006 05:33:00 PM  
Blogger NoOR said...

ربنا يكرمن في امتخناتنا....يارب

5/22/2006 06:32:00 PM  
Blogger NoOR said...

وانتي معنكيش امتخنات ولا ايه النظام

5/22/2006 06:33:00 PM  
Blogger الدواء فيه سم قاتل said...

This comment has been removed by a blog administrator.

5/23/2006 04:44:00 PM  
Blogger الدواء فيه سم قاتل said...

إمتخانات دى مش غير إمتحانات برضه ؟؟

5/23/2006 04:53:00 PM  
Blogger NoOR said...

ايش فهمك انت ........طبعا تفرق

5/23/2006 11:50:00 PM  
Blogger change destiny said...

:) عندي و الحالة ض ج خالص

5/26/2006 05:20:00 AM  
Blogger NoOR said...

ربنا يستر علينا جميعا عندي بكره امتحان سيوري اوف ماشين ومش فاكر منها اي حاااااااااااجه .........ربنا يوفقك ويوفقنا جميعا

5/26/2006 03:23:00 PM  

Post a Comment

Links to this post:

Create a Link

<< Home