مالك الحزين ..........سعيد علي مالك
أنا زي مانتوا عارفين ماكنتش ناوي أكتب أي حاجه -أصلي عامل اعتصام علي المهزلة التعليمية المسماه بالامتحنات- لكن منه لله اللي كان السبب-هما الصراحه سببين واحد حلو والتاني جابلي تخلف زياده عن اللي كان موجود اساسا-
السبب الأول:-
كنت قاعد في حالي في امان الله بتفرج عالست مني الشاذلي حبيبة الشعب المصري المغلوب علي امره و برنامجها الرائع العاشرة -والنصف- مساءا والاقيلك مين في وشي آل السيد الاستاذ الدكتور رئيس جامعتنا الموقر د/ عبد الحي عبيد بسم الله ماشاء الله الراجل مقتنع ان احنا عندنا بحث علمي متطور وعلي المستوي المطلوب عالميا .بأمارة ايه يا دكتور أفكرك بال 500 جامعة الأوائل اللي ماشاء الله ماشاء الله مافهاش ولا واحدة مصريه تبل ريقنا يا سيدي الفاضل و أستاذي العزيز حد لا سمح الله قالك علي حال الطالب المصري بعد التخرج ده في طلبة جامعه مبيعرفوش يكتبوا عربي -ده مش انا طبعا- لأ والحمد لله طلعنا من التلاتين الأوائل علي مستوي افريكيا -دي غير افريقيا بتعاتنا - يعني مستوي يشرف ده طبعا الدليل القاطع علي مستوي التعليم الواطي -قصدي العالي- في مصر المحروسه 
أما السبب التاني :-
فهو الافراج عن الأخ مالك واربعه من زملائه في الحبس كفاره يا رجاله ربنا يكرمكوا يا رجاله عموما ربنا معانا و معاكوا لحد ما ربنا يكرمنا والبلد حالها يتصلح
* أنا كنت ناوي اكتب بقين لمالك وهو محبوس بس عملها وخرج يلا بقي اقولهم والسلام
مالك الحزين حزين علي مالك
مالك الحزين بيقول للبلد مالك
مالك الحزين سألها و ليه بتاكلي في عيالك
مالك الحزين مالقهر راح هالك
مالك الحزين حالف لياخد تارلك
من اللي سرق مالك
*دي أول محاولة شعريه ليا علي فكره يالا ياعم مالك مكتوبالك تكون اول اشعاري ليك_طبعا دي حاجه تشرفني-
الحق اروح اذاكر بقي
posted by NoOR at 2:46 PM
19 Comments:
نوووووووووووووووووور بيكتب شعر
ده ايه الهنا ده
لا بس بداية حلوة والله يا نور استمر وحاول تكتب اكتر هاتلاقى نفسك فى تقدم
وحمد الله علبى سلامة مالك والله انا فرحت جداااااا لما عرفت انهم افرجوا عنه
حلوة يا واد يا نور ..بس هو مين مالك بقى .. و من غير ضرب
أوعي حد يسمعك بتفول كده لحسن يقفلوا البلوج بتاعك........عمومل مالك ده من الناس المكافحة من اجل الاستقلال
اوعي تقولي استقلال ايه هو البلد محتله لا سمح الله ..............شوف بقي ظلم الانسان لاخيه الانسان انا ياعم انه كان متضامن مع القضاه في مطالبهم اللي من ضمنها استقلال القضاء
شكرا يا سويدي وان شاء الله القصيدة الجابية يوم خروجك
.....................................................................................................من الكليه يا عم متفهمنيش غلط
ههههههههههههههههههههه
يبقى عمرك ما هاتقول قصايد تانى
:P
بداية موفقة و متحرقش دمك أنا برضه اتفرجت على حلقة التعليم الواطي و خلصت شعري من كتر الشد
ياعم سويدي مستعجل ليه مسيرهم يزهقوا منا ويخلونا نتخرج
change destiny
اهم حاجه الصحه مش عايزين نحرق دمنا علي ناس زيهم و موضوع شعرك ده خساره فيهم اساسا ....... ربنا يوفقك في الامتحانات
نوووووووووووور كلامك جميل بس يريت تكتب على طول
نور الشعر حلو قوي و ألف حمد الله على السلامة لمالك
على فكرة أنا مبسوطة جداً بسبب أغنية منير :)
و بالنسبة للتفائل بتاعك إنت و سويدي و أملكم الكبير في إنكوا تخلصوا الكلية
فربنا معاكوا يارب و تكون السنة دي آخر سنة ليكوا إنشاء الله
هيخلصو ازاي يا بنتي و هما مقضينها بلوجات
ال وانا كنت فاكراهم مختفين عشان بيذاكرو اتاريهم مستخبين هنا
عموماربنا معاكم
ابن الشارع
شكرا علي المجامله ديه....... و ربنا يكرمنا في الجاي ان شاء الله
اما تاتي وبسبس فاولا موضوع السنادي مستحيل بالنسبه ليا سويدي ممكن ام انا فلسه شويه هما شويه كتير حبتين بس ها نعمل ايه مش بايدي
شكرا يا تاتي علي موضوع الشعر ده
اما موضوع الامتحنات فانا لسه مخلص اول امتحان والحمد لله حليت حلو عقبال الباقي
يا نور ما تحرمش الجماهير بقى من الشعر بتاعك اكتب اكتب يمكن تنسى الهندسة ونخلص بقى
:D
ما هي المصيبه اني ناسي الهندسه من زماااااااااان
نور
شد حيلك بأة والله بادعيلك
أول مرة ادخل البلوج عندك
ولقيت صورة منى منورة
بحبها جدا باموت فيها
ومبروك يا سيدى لمالك واخوانه
ماتردش بأة وخليك فى المذاكرة
ركز شوية
يا راجل بلا مذاكرة بلا كلام فارغ
أتفرج على العاشرة مساء وقول رأيك وأكتب شعر وأعمل اللي أنت عايزه
وبعدين متنساش أن النوم نص المذاكرة!!ا
انت جبت مالاخر وانا هاسمع كلامك شافين النا اللي بتفكر مش مذاكره ووجع قلب
الله يكرمك يا فيلم باشا
Post a Comment
<< Home