Saturday, June 10, 2006

حلم تايه

طبعا لسه ما خلصتش امتحانات بس للضروره احكام .........مش عارف اقول ايه الصراحه ما صدقت ان مالك الحمد لله خرج بالسلامه والحفله بتاعت غني يابهيه تمت علي احسن صوره وقلت ان شاء الله بخروج شرقاوي واللي معاه تبقي اخر الاحزان لكن تأتي الريح بما لا تشتهي السفن-ده علي اساس اني مركبي قديم- فوجئت وانا بفتح مدونه احلام وبقايا احلام انهم اتمسحوا من علي السيرفر الصراحه زعلت جدا لأني فعلا كنت بحب اقرا كلام احلام - وكمان كانت عامله لينك ليا عندها- مش عارف هي مسحت المدونات ليه الصراحه بس لو كانت عايزه تتاكد من انها مهمه عندنا خلاص ياستي ولا يهمك من بكره نعملك اعلان ونكتب فيه وحشتينا ونحطه علي كوبري اكتوبر بس هيبقي من ناحيه مصر الجديده عشان اقربلي مش ناحيه غمره او ممكن نغنيلك (عودي يا احلام ) بس كده ممكن بليه تزعل - كان عمرو دياب عامل اغنيه اسمها عودي يا بليه- ياريت يكون غلطه و تتصلح ونلاقي احلام منوره البلوج تاني - هلاقي مين تاني يعملي لينك عنده- ربنا يستر و مفتحش النت بكره الاقي حد تاني اختفي بس مش هاقولك اكتر من
حاسب من الاحزان و حاســـــــب لها
حاسب علي رقابيك من حبلـــــــــــها
راح تنتهي و لابد راح تنتهــــــــــي
مش انتهت أحزان من قبلهــــــــــا؟
عجبي !!!

8 Comments:

Blogger m_elsewedy said...

نوووووور
على فكرة فى ناس كتير بتسأل عليها مش انت بس
لانها اختفت بدون اسباب
لعل يكون المانع خير وترجع بالسلامة ان شاء الله
وتاتى بتابعها على الايميل واول ما ترد عليها هاتطمننا ان شاء الله

6/10/2006 03:43:00 PM  
Blogger taty said...

نور انا خايفة جداً أكون أنا السبب لنها قالتلي إنها عايزة تحط ريل بلير في البلوج و أنا بعتلها الكود و بعد كدة اختفت أنا خايفة يكون الكود لخبط الدنيا عندها في ال بلوج و مسحته بس لو واحد باظ تمسح الاتنين ليه؟؟
مش عارفة عندي إحساس بالذنب مش عارفة اتخلص منه
ربنا يستر و يكون المانع خير إنشاء الله

6/11/2006 08:02:00 AM  
Blogger NoOR said...

سويدي باشا اخبارك ايه معلش ياعم علي الحفله

تاتي
لازم تكفري عن ذنبك و تعليلها بلوج جديد ان شاء الله تظهر قريب

6/11/2006 02:37:00 PM  
Blogger حــلم said...

حاسب من الاحزان و حاســـــــب لها
حاسب علي رقابيك من حبلـــــــــــها
راح تنتهي و لابد راح تنتهــــــــــي
مش انتهت أحزان من قبلهــــــــــا؟

بجد بجد شكرا يا نور

بس بلاش حكاية بلية والبوستر وكدة

أنا راجعة من غير حاجة

كنت باخد نَفَسى

وباشحن من جديد

ومعلش على كل حاجة

على فكرة اللينك بتاعتك زى ما هى

وميرسى جدا

6/11/2006 06:32:00 PM  
Blogger NoOR said...

هيه انا مبسوط قوي انك ظهرتي
welcome back
عموما ما تبقيش تختفي كده من غير ما تدينا خبر قلقتينا عليكي

6/12/2006 01:41:00 AM  
Blogger bosbos said...

حمدالله على السلامه يا حلم مش هنبطل حركات المسح اللي بتعمليها دي بقى؟
شككتيني في تاتي يا عيني و خلتيني ظلمتها و حملتها مسؤولية اختفائك


نوور برضه بتتلكك باي حاجه عشان متذاكرش
سويدي خلص وانت لأاااا
:P

6/13/2006 12:55:00 PM  
Blogger m_elsewedy said...

يا ابنى اسمع الكلام واجرى ذاكر
:D

6/13/2006 03:16:00 PM  
Blogger حــلم said...

ذاكر يااا نوور

بدل ما يقولوا ساب مذاكرته وكان متفرغ للبحث عن احلام بالميكروفون فى الشوارع

خلّ والعب براحتك

:))

6/14/2006 07:20:00 AM  

Post a Comment

Links to this post:

Create a Link

<< Home