Wednesday, July 05, 2006

من طلب العلا ........... يتصل بابوها الاول

الصراحه لقيت الامثال دي جت لي علي الميل قلت لازم تقروها
من طلب العلا يتفضل فى كابينه 4
اللى بيته من‏ إزاز ميغيرش هدومه فى الصالون
فاقد الشىء يدور عليه
‏ اقلب‏ القدره على فومها الفول يقع منها‏
تأتى الرياح محمله بالأتربة
ياخبرالنهارده بفلوس بكره ينزل عليه أوكازيون
‏اللى معاه قرش محيره يجيب‏ حمام ويحمره‏
جت الحزينه تفرح شغلت شريط حكيم وقعدت ترقص
قال‏ يامحشحشين يكفيكوا شر الكمين
اللى ياكل لوحده يشبع
لاتبكى‏ على اللبن فى البسكوت‏
اقطع عرق و حته بتلو
‏ اطبخى ياجاريه‏ الأنبوبه فاضيه يا سيدى
لو حبيبك عسل ما تحطلوش طحينة‏
اللى‏ يتلسع من الشوربه يتصل بالمطافى
وبكره ترجع ريما من عند خلتها فى‏ مارينا
‏ ياداخل بين البصله وقشرتها حط قطرة علشان هادمع
من‏ ريحتها‏
اصوم اصوم وافطر على المدفع
القرش الأبيض بيعوم فى‏ البحر الأحمر‏
ضربوا الأعور على عينه قالهم كسرتوا النضاره
‏ اللى ميشفش من الغربال يكشف نظر
المال السايب يعلم الطلبه
‏ نام وارتاح وكل عسل نحل التمساح‏
من خرج من داره مينساش يأخد المفتاح‏
معاه‏
الباب اللى يجيجلك منه الريح شيله وركب قبنورى‏
المضطر‏ يركب التاكسى
رب صدفة خير من ألف ليلة و ليلة‏
اللى يخاف من‏ العفريت يعمل عبيط
حجه البليد بصرف فلوسى على الوييد
المركب اللى فيها رايسين يلعبوا طاولة
اللى خدتوا الأرعه تخدو ام‏ الخلول
أكل العيش يحب الطعميه
lenses-العين عليها‏
قالوا للحرامى أحلف قالهم وحياة قلبى وأفراحوا
أمثــــــال‏ عربيــــات النقــــل‏
متبصليش بعين رضيه دنا طلع عين أمى فى‏ السعوديه‏
ربنا يحميكى من الميكانيكى
الحلوة أسمها‏ تفاحة للسفر والسياحة
الحلوة من حلوان وصاحبها راجل‏ غلبان
الحلوة من دمياط وعليها أقساط‏
قصه كفاح مش جايه على‏ المرتاح
متزمروش يابهايم دا السواق نايم‏
اجرى جري الوحوش‏ اوتوبيس 710 ماتلحقوش

15 Comments:

Blogger حــلم said...

نووور

مش ممكن بجد شوية امثال تحفة

انا اصلا مش باعرف غير كام واحد كدة

وباقولهم غلط وبالعافية وقت التهريج

هتلخبطنى فيهم كمان

من طلب العلا يتفضل فى كابينه 4

حلوووة

7/05/2006 08:13:00 PM  
Blogger Taher said...

والله المفروض ان الامثال دى هى الاصل

بس جامدين صراحة

واظرف حاجة الشوية بتوع السواقين

7/06/2006 04:22:00 AM  
Blogger shoowbash said...

جامدين موووت...وزودي عليهم كمان ...من نام وإرتاح جاله النجاح .....ومن سهر الليالي بات للعام التالي .....والمثل بتاع القدرة ....الفافي بيقولوه ..كده ...اكفي القدره علي رقبتها ...تطلع البنت لمامتها

7/06/2006 01:43:00 PM  
Blogger taty said...

نوووووووووور
بجد تحفة أنا ضحكت ضحك
و كلهم كوم و القرش الأبيض بيعوم في البحر الأحمر دي تحفة
بجد بوست حلو مووووووووت

7/06/2006 05:58:00 PM  
Blogger NoOR said...

حلم : كابينه اربعه فاضيه لو تحبي تكلمي علا

طاهر : شكرا واهلا بيك

شوبش : كنت هازودهم لو قلتلي زودهم مش زوديهم عموما اهلا بيك

تاتي : في كمان قرش مقلم علي اخضر بس مفيش منه غير 42 الفهولك :)

7/06/2006 10:39:00 PM  
Blogger shoowbash said...

انا اسف يانوور واللهي كنت فاكرك بنت ...بس الراجل بميت بت ...قشطه عليك يامان

7/07/2006 02:58:00 AM  
Blogger Nouran said...

جامدين جدا

7/08/2006 04:14:00 AM  
Blogger NoOR said...

منوره يا نوران وياريت تككري الزياره

7/08/2006 03:14:00 PM  
Blogger Mamdouh Dorrah said...

دمك خفيف جدا
طلعتني من موود القرف اللي كنت عايش فيه

7/09/2006 02:13:00 AM  
Blogger bosbos said...

والله انت تحفه يابني
ضحكتني و انا مليش نفس
اللي ياكل لوحده يشبع حلوه قوي

7/09/2006 11:35:00 AM  
Blogger NoOR said...

كورتكس : الحمد لله ان انا السبب في ده

بسبس : بالهنا والشفا ....علي فكره انا ابتديت في بنات الرياض الحمد لله

7/09/2006 03:54:00 PM  
Blogger adhm said...

طيب انت عمرك سمعت عن المثل اللى بيقول
كييف الزبادى يجيبلة معلقة
طبع المثل اساسا مش كدة

7/10/2006 01:49:00 AM  
Blogger NoOR said...

فاهمك يا لئيييييييييييم

7/10/2006 01:07:00 PM  
Anonymous مــــــــيMaioia said...

l0o0o0o0o0o0o0o0o0o0l
حلوة أنا كنت بحسبها أمثال عادية لكن جيت كملت قراية لقيتها بتضحك
بس جاامدة

7/12/2006 01:49:00 AM  
Blogger NoOR said...

كويس انهم عجبوكي

7/12/2006 04:00:00 PM  

Post a Comment

Links to this post:

Create a Link

<< Home