Wednesday, February 27, 2008

Run Awy 7adary

هوي أصحابي ماعرفتوش ايه اللي حصل امبارح مش بيقولوا ان الحضري هرب علي سويسرا لأ وايه الجبان مخدش معاه عمو حسن حمدي لألألألألأ......أخص عليه صحيح


لامؤاخذه عالدخله الجامده دي أصل أنا لسه سامع بقين كنت هاموت بالسكته الكلويه - دي غير الذبحه المخيه- علي فكره
...........الأول:- أن أن أأأأأأأأأأأأأأأأأأأأأأأأأأأن تش

المحامي مش عارف اسمه ايه كده قال خير اللهم اجعله خير رافع قضيه يطالب بسحب الجنسيه من الحضري

يانهار طين ..........................غطيني و صوتي يا صفيه

سحب الجنسيه مره واحده
هو الراجل ده ما سمعش عن واحد اسمه رامي لكح لامؤاخذه- لامؤاخذه دي مش اسم جده علي فكره - الراجل ده للي نسي احب افكره انه لاهف قد كام مليون من فلوس الشعب الكادح- اللي هو احنا - وقاعد بيهم في المريديان اللي في باريس

هاتقولي ياد و اشمعني المريديان هاقولك يا ناصح اصله اشتراه...... لو سألت وقولت منين هارميك بره البلوج ده من غير زعل اصلي بكره السذاجه اكيد من الفلوس اللي حوشها في الغربه هو الكام مليون اللي لهفهم ياعني يعملوا ايه اليومين دول
تفتكروا عم رامي حبيب الكل ده ممكن نرفع عليه قضيه نسحب منه الجنسيه

طبعا في غير الراجل ده كتييييير أحق بسحب الجنسيه من الكابتن عصام الحضري

الثاني
مجله المفروض انها محترمه بتقول ان الحضري هرب ثروته اللي هي - علي حد قولهم حوالي تسعين مليون جنيه - لبنوك سويسرا

انا سمعت البق ده و قعدت ارفص في الأرض مش لأن الحضري معاه تسعين مليون جنيه - ودي واسعه حبتين- بس للهيافه اللي الاعلام بقي فيها

مجله اهيف كاتبه عالغلاف الحضري من كفر البطيخ لسويسرا ......... هو سويسرا مانعه الهجره من جمهوريه كفر البطيخ اليومين دول ولا ايه

المهم الغريب في الشعب ده وعلي رأي عمنا أبو النجوم أحمد فؤاد نجم في كتاب ليه مش فاكر اسمه و للأسف الواد شريف - ابن ال.......-خده مني وضيعه وهو في الجيش كان عم نجم كاتب فيه قصيده لواحد برضو مش فاكر اسمه كان كاتبها عن الحاجه والدته بيقول فيها

كانت لما تحب تحب صبابه

و اما بتكره تبقي ربابه
و ده ينطبق عالشعب بتاعنا من يومين كان الحضري السد العالي و يمكن بحيره ناصر كمان ودلوقتي بقي خاين وعميل ويمكن جاسوس وغالبا هو اللي جاب انفلونزا الطيور وعلي فكره هو اللي حرق القطر ...أقولكوا علي مفاجأم هو اللي مخبي السفينه بدر

مش هتصدقوا أنا سمعت بأم عيني - ايوه أم عيني -عاجبك ولا ترووح ...ان الحضري هو اللي غلي الزيت

هو أنا مقولتلكوش مش الزيت بقي بحداااااااااااااااااااااااااااااااااااااشر جنيه............ خمسه وسبعين قرش للدقه
لأ وكانت سوسه زعلانه قال ايه بقي بتسعه جنيه....طب ياااااااريت

طبعا اللي مخليني في حاله الهياج العصبي دي

ان رغيف العيش بقي بنص جنيه .....خمسون قرشا .......خمسميت مليم
اه والله كنت النهارده بجيب جاجات الأسبوع ....أصل أمي لقيتني قاعد جمبها زي البت البايره -لامؤاخذه يعني- قوم ايه قالتلي انزل هات الطلبات قمت خاطف رجلي ونازل علي السوق اللي في عين شمس يعني بتاع الناس الغلابه اصل انا لو جبت من شيراتون كان زمان ابويا بيشحت علينا دلوقتي قوم ايه لقيت كيلو الخيار بتلاته جنيه والفاصوليا بسبعه جنيه اه والله بسبعه جنيه بس الحمد لله بطلنا ناكل فاصوليا

والرغيف اللي كنت السبت اللي فات جايبه بتلاتين قرش بقي بخمسين قرش ......يرحم أيام زمان
ودول بيقولوا نسحب الجنسيه من الحضري
بيتهيألي في ناس أولي

Labels: ,

15 Comments:

Blogger A.SAMIR said...

وحتى لو معاه 90 مليون
ماهو بشقاه وتعبه وشغله
الراجل محطش ايده في جيب حد وسرق فلوسه وهرب
احنا لو فتحنا في موضوع سحب الجنسية دة اعتقد ان الشعب المصري هيخس النصف
تحياتي

2/27/2008 10:45:00 AM  
Blogger NoOR said...

تصدق فكره اهو البلد تنضف و يريحونا من موضوع تنظيم الأسره و الست كريمه

2/27/2008 02:15:00 PM  
Blogger ميّويه said...

هههههههههههه
بص أنا مش حتكلم في حكاية الحضري دي عشان ماليش في الكورة أوي كفاية إن أول ماتش أتابعه في حياتي من أوله لآخره بالدقيقة والثانية كان ماتش مصر والكاميرون ..آه والله
طول عمري أشوف حتت من الماتشات أو بلغتكم انتوا(الموتوشة)معرفش بقي بتتكتب إزاي

المهم
أنا اللي لفت نظري رغيف العيش المدور الحلو دة ..بجد يفتح النفس ..الحمد لله علي كل شئ
خصوصاً إني لسة كاتبة عن موضوع العيش دة
هو أنا ناقصة هم
الصراحة شاكله يفرح

3/08/2008 12:07:00 AM  
Blogger saso said...

كريمة يا مفتري
دي بطلت من سنين

اللي يحرق الدم بجد. يوم التكريم... والريس بيتدخل لحل مشكلة البطل القومي

يارب العيش او الزيت ويستحسن الطماطم تطلع يحترف بره
يمكن مشكلتهم تتحل

3/09/2008 02:44:00 AM  
Blogger NoOR said...

أولا : أحب اروح اصلي ركعتين شكر لله لظهور الأنسه ساسو اللي كنت تأكدت من وجود كائنات فضائيه بسببها وانهم خطفوها في ظروف غامضه

ثانيا : ربنا يخليلنا بابا حسني - ده غير عمو حسني طبعا - و يحلنا كل مشاكلنا زي ما حل مشكله الحضري أو ممكن نسمي رغيف العيش عصام جايز يرخص و الزيت نسميه الحضري أما الطماطم ممكن نقولهاارقص يا حضري

3/09/2008 01:41:00 PM  
Blogger NoOR said...

ميويه معلش رديت علي ساسو الأول اصلها كانت مختفيه

أما بخصوص عدم الفرجه علي الماتشات فربنا معاكي كده احسن هي ناقصه حرقه دم كفايه الثانويه العامه

بزمتك اي رايك في الرغيف مش يفتح النفس :)

3/09/2008 01:43:00 PM  
Blogger saso said...

hhhhhhhhhhhhhhhhhhhhh

تقبّل الله يا سيد نور

الركعتين مش الدعوة
علشان اضيف الفيس بوك مش لازم يكون معايا ايميل ولا هامشي اقول يا نوور وخلاص

امممم
ربنا معاك في مشروع التخرج يا باشمهندس

3/09/2008 02:45:00 PM  
Blogger NoOR said...

منا ومنكم بس ليه مش الدعوه ده حتي يبقي تفرقه عنصريه

اما عن الميل فهو

mohamednoureldein@hotmail.com

اما عن المشروع فماتقلقيش خالص احنا تقريبا الجروب الوحيد في جمهوريه مصر العربيه اللي خلص المشروع قبل ما يبتدي

3/09/2008 06:59:00 PM  
Blogger saso said...

done
كل سنة ومدونتك طيبة مخدتش بالي غير دلوقت انها تمت سنتين
غاااااااااالباً انا كمان تميت السنتين

هنتفطم الحمد لله

3/14/2008 04:10:00 AM  
Blogger NoOR said...

و أنت طيب يا جميل

ربنا يخليهملنا كده ونكبرهم لحد ما ندخلهم الجامعه :)

3/15/2008 01:56:00 AM  
Blogger بثينــــــة said...

معلش بأة انت بجد تحفة يا نور
واحب اقوللك ان تحليلك تمام في نقطة الجنسية دي
فيه أحق بسحبها
بس بصراحة هو طماع وضيع نفسه
الطموح له حد برضة

3/16/2008 09:48:00 PM  
Blogger NoOR said...

ويلكم باك انا قلت انتي نسيتي البلوج بتاعي

اولا مرسي عالكومبليمو ده ;-)

بس انا صعبان عليا بردو مش عارف ليه

3/17/2008 03:04:00 AM  
Blogger codecx said...

دردشة شات بنت مصر ، دردشة مصرية - مجتمع مصري ترفيهي للمرأة المصرية
دردشة
بنت مصر
شات بنت مصر
دردشة بنت مصر
شات مصرى
دردشه مصريه
شات بنات مصر
دردشة مصرية
دردشة بنات مصر
شات مصر
دليل بنت مصر-شات بنت مصر - دليل الدردشات
دردشة بنت مصر،شات بنت مصر،بنت مصر،العاب بنت مصر
دردشة بنت مصر،شات بنت مصر،بنت مصر،يوتيوب بنت مصر
شات بنت مصر،دردشة بنت مصر،بنت مصر،جوال بنت مصر
بنت مصر،دردشة شات بنت مصر،توبيكات بنت مصر
دردشة بنت مصر،شات بنت مصر،بنت مصر،مطبخ سيدتى بنت مصر
دردشة بنت مصر،شات بنت مصر،بنت مصر،الازياء والموضة بنت مصر
شات بنت مصر،صور الماسنجر بنت مصر،صور دردشة بنت مصر
شات،شات كتابى،شات بنت مصر،شات مصرى،مصري

4/07/2010 12:37:00 AM  
Anonymous mekano said...

شات حكايه بنت



دردشه حكايه بنت

شات ودردشه مصريه

دردشه بنات حكايه


شات حكايه بنات

شات بنات مصر

6/04/2014 01:09:00 PM  
Blogger light-elrahman.com/ said...

شركة مكافحة حشرات بسيهات وبعنك
شركة تنظيف براس تنورة
شركة ضي الرحمن للتنظيف

4/25/2017 09:23:00 PM  

Post a Comment

Links to this post:

Create a Link

<< Home