Sunday, February 18, 2007

العرب ظاهرة صوتية



فلا حَدٌّ يُباعدُنا
ولا دينٌ يُفرّقُنا
لِسانُ الضّادِ يجمعنا
بعدنانِ وقحطان
ايه رأيكوا في البقين دول مش عارف ليه افتكرتهم وانا بتكلم مع ناس أصحابي عن الفرق بين الاتحاد اللأوروبي و الكشري ابو دقه طبعا هناك أوجه شبه كثيييييييييره بين الاثنين وأهمها ان الاثنين مش الوطن العربي
وطني حبيبي الوطن الأكبر
يوم ورا يوم امجاده بتكبر
وانتصاراته
انتصاراته آآآآآه هنا مربط الفرس فنحن وطن ينتصر بالجعير - لامؤاخذه- أصل ده التصريف التالت من الفيرب جعر - جعر يجعر تجعيرا - ما علينا فالجعير هو الزعيق الغير مفهوم المعني - حسب وصف ابن بارم دليه في معجم اتوكسعلي خيبتك المحيط في باب يا داهيه دقي - فمن محاوله هدم باب المغاربه للمسجد الأقصي لمحاولة النيل بالمجاهده هاله هانم سرحان -لحفظ الرتب- يا قلبي لا تحزن فلقد قامت الجموع الغفيره بلطم الخدود وشق الجيوب من أجعل سمعة بنت المعزطيب الله ثراها القاهره


بنت المعز القاهره
حتي الصباح ساهره




آل ايه سمعة مصربتقولوا ايه يا ولاد سمعة مصر بقي وجود هاله هانم سرحان لوحده مش اساءه لسمعة مصر و سكوت الأخت الكبري في وجهه محاولات هدم الأقصي ده قمة الارتفاع بسمعة مصر.
طبعا نسيتوا الدنمارك و الرسوم المسيئه .......علي النعمه شعب عنده زهايمر عموما ربنا يكرمكوا وتفتكروا العباره والقطر والقصر و أكياس الدم وانفلونزا الطيور واللي للعلم بيتقال انها دخلت مصر عن طريق علف مستورد احييه ياأبو سوسو .......بتستورد علف الله يرحمك يا سعد باشا ما هو قالها قبلي

مفيش فايده
بي اس :- أنا كنت كتبت البوسط ده قبل كده و حبيت اعدل فيه لكن منه لله بلوجر بعد التعديل مطلع عيني لا عارف اكتب كومنت ولا بوسط....... لكن الحمد لله ربنا هداه وفتح معايا
نسيت اقولكوا ايه هي علاقة الاتحاد الاوروبي و الكشري بقي يا سيدي بما أن الكشري عباره عن خليط من حاجات كتير زي العدس و الرز والمعكرونه - علي رأي اشقائنا اللبنانين - وبما ان الاتحاد الاوروبي كمان خليط من لغات مختلفه وديانات مختلفه وحاجات كتير مش شبه بعضها ولكن ويال العجب بقي اتحاااااااد اوروبي ولكن العرب اللي معظمهم مسلمين وكلهم عرب وبيتكلموا عربي- ياااه رقاصه وبترقص غريبه دي -لكن سبحان الله مش عارفين يبقوا اتحاد عربي

Labels:

15 Comments:

Blogger BackBone said...

احنا بلد مجبتش راجل منذ عصورررررررر

فبلاش نتكلم في الماضي

3/02/2007 11:35:00 AM  
Blogger saso said...

بمناسبة لسان الضاد ممكن نسمية لسان القاف علشان الاخوة الشمال افريقيين التوانسة والمغاربة تعبوني بجد ولا بافهم حرف من اللي بيقولوة لا وكمان بيقولوة بسرعة

او لسان الظاء علشان الخليجيين بيقولوا ظاءات كتير من غير داعي معرفش ليه

قال سياحة عرب قال ده الاجانب ارحم
:s
**
زعلان علشان هما زعلانين من الست هالة الرهيبة !! يعني هما كانوا عملولها حاجة البرنامج اللي جاي هيكسر الدنيا ومش هيقدروا يغمضوا عينيهم كالعادة

وصف المعجم ضحكني بجد يا نور يا ابني
:)

بنت المعز مش هتسهر تقريبا علشان هيقفلوا المحلات بدري مشروع قانون همايوني كالعادة هيضلم القاهرة الساعة 8وانت عارف احنا بلد لا ينقاد فيها عمود نور الا الصبح!!! يعني هتضلم هتضلم

المهم انت اخبارك ايه كده

3/13/2007 10:34:00 PM  
Blogger NoOR said...

باكبون : ربنا يستر علي ولايانا :)

ساسو : ازيك حلو موضوع القاف والظاء دول مضايقني من زمان واخده بالك من مضايقني ديه - بتاعه عماد حمدي ويا نييينا- بس ايه موضوع القانون ده يعني علي كده انا هتاخد مخالفه وانا نازل من بيتنا ده انا ببداء اتحرك مالبيت الساعه 10

اما عن اخباري فالحمد لله اخيرا رحت الكليه وربنا يكرم في النتيجه

3/14/2007 12:53:00 AM  
Blogger saso said...

ربنا معاك يا نور
ولا تتضايق ولا حاجة (حلو تتضايق )ده علشان نحلف ان لا في واحدة لغة ولا عادات ولا تقاليد

ممم
القانون علي المحلات بس .. مش علي الناس ..يعني لازم يدوا للعساكر دورات تدريبية توضح الفرق بين البني آدم(عندة اتنين رجلين)وبين تلاجة البيبسي(فيها بيبسي ببلاش للعساكر)علشان ميغلطوش

3/23/2007 12:02:00 PM  
Blogger adhm said...

يا حبيبى انت مش عارف ان هالة سرحان هى الهرم الخامس اللى السياح بتيجى مصر مخصوص علشان هالة وعيون هالة
وقهقهة هالة سرحان اللى بتنافس بيها اجدع واد صايع فى الباطنية
طبعا معروف ان السيدة فيفى عبدو هى الهرم الرابع
بالمناسبة يا نور
فين الناس بتوع زمان
حقيقى غيابهم سايب فراغ
انا اقصد بوسبوس وتاتى
سلام
-----------
اللة يخرب بيت البلوجر
قديم وجدد

4/04/2007 09:35:00 AM  
Blogger bosbos said...

ايه ده الظاهر ان مش احنا بس اللي اختفينا

انتو رحتو فين انت و سويدي؟؟

4/12/2007 01:06:00 PM  
Blogger NoOR said...

يااااااه انتوا فين انا قلت كائنات فضائيه خطفتكوا


انا بس يادوب لسه مخلص الميد تيرم من كام ساعه

4/19/2007 10:15:00 PM  
Blogger صاحب البوابــة said...

حقاً

العرب ظاهرة صوتية

تحياتي للمقال الجميل

وتحية خاصة لصاحب القلم المبدع

4/21/2007 08:13:00 PM  
Blogger صاحب البوابــة said...

حقاً

العرب ظاهرة صوتية

تحياتي للمقال الجميل

وتحية خاصة لصاحب القلم المبدع

4/21/2007 08:13:00 PM  
Blogger Nouran said...

بسم الله لالرحمن الرحيم
مش ده بلوج البشمهندس نور ولا انا جيت غلط
فحد هنا شكلي تهت ولا ايه
الوووووووووو انت رحت فين يا هندزة ؟؟

4/22/2007 02:30:00 AM  
Blogger NoOR said...

كنت مشغول في الميد تيرم و بعد كده كنت بخلص شويه شغل لابويا معلش مشاغل بقي


صاحب البوابه : الف شكر عالكلام الجميل ده

4/25/2007 02:18:00 PM  
Anonymous Anonymous said...

السلام عليكم جميعاً
أنا أول مرة أدخل المدونةدي وعن طريق الصدفة .. بس أعجبت بيها أوي لدرجة إني سبت شغلي المهم ... وسرحت في كلامك يا نور الجميل وروحك الجميله حتي في طريقة سخرية علي الواقع المرير ... بجد مدونة جميلة واللي خلاني اعجب بيها اكتر هيه طريقتك في الحوار والمزج بين السخرية والكبت بإسلوب بسيط سلس اوي يوصل بسهوله لكل واحد فينا ... وبصراحه اكتر طريقتك وروحك فيها شبه كبير اوي مني لدرجة اني تخيلت اني انا اللي كتبت المواضيع دي ... وهلكت علي نفسي من الضحك بصراحة لما قريت سخريتك علي موضوع إنتصارات الوطن .. والله كنت في قمة الحزن لدرجة ان دموعي كانت بتنزل مني وانا موش واخده بالي بس لما قريت موضوعك ضحكت اوي اوي ونسيت كل هموم الدنيا وكل المشاكل اللي بمر بيها ... أنا مكذبشي عليك مكنتش هكتب رد علي موضوعك بس حسيت اني لازم اشكرك لانك كنت السبب في خروجي من حالة الحزن اللي فيها .. انا بقرا كتنير اوي وبدخل منتديات وبعجب بمواضيع ومواضيع بتستفزني اوي .. بس مبعلقش علي اي موضوع ولا بقرا يمكن لضيق وقتي وعلشان كله في الشغل وموش ملكي

بشكرك اوي

الإمضاء .... ماسا
masaaahmed@yahoo.com

5/22/2007 03:52:00 PM  
Blogger sendrlla said...

هههههههههههههههههههههههههههههههههههههههههههههه
نو كومنت

5/26/2007 04:47:00 AM  
Blogger NoOR said...

ماسا........الف شك ر علي الكلام الجميل بتاعك ده اللي خلاني احس اني بكتب بجد و اني مش عايش علي كوكب تاني و الحمد لله اني قدرت اطلعك من المود بتاعك .... منتظرك علي البلوج وتبقي صديق دائم للبرنامج :)


سند ريلا : وانا كمان :)

5/30/2007 02:56:00 AM  
Anonymous Anonymous said...

This comment has been removed by a blog administrator.

6/15/2007 04:33:00 PM  

Post a Comment

Links to this post:

Create a Link

<< Home