Tuesday, February 06, 2007

تخاريف شتويه

لا أعرف ماذا سيكون في السطر القادم ولكني سوف اكتبه ...اكتب لأخرج من هذا الشعور العجيب فهو مزيج من الفراغ والاكتئاب والاحساس القاتل بالملل لا اعرف ماذا حدث لحس الفكاهه المزمن الذي اصبت به في الطفوله والذي تطور لدرجه البله اليوم افتقد هذا الشعور بالسعاده المطلقه بون سبب ولا لشئ سعاده من اجل السعاده -ليت الشباب يعود يوما- كنت قد بدأت في كتابه خواطر من اجل البوسط الجديد في دفتر ورقي وذلك بعد اربع محاولات فاشله لتذكر ما كنت قد قررت كتابته في الايام السابقه و لكن حتي هذه الخواطر لم تكن دافعا للكتابه . زمان كنت فاكر ان الاكتئاب مابيجيش غير في الشتا علشان قله الضوء و قصر اليوم لقيتها محصله بعضها و الغريب انني قررت الهرب من هذا الاكتئاب بالشغل لكن لقيت ان الشغل اول سبب لذيادة الاكتئاب قد اكون مكتئب لاحساسي بتسرسب الاصدقاء من حولي كل مهموم في وظيفته و مشاريع الخطوبه والزواج وانا زي ما انا من البيت للقهوه ومن القهوه للبيت

6 Comments:

Blogger saso said...

بعد الشر عنك من الاكتئاب ..ليه محسسني ان الصيف جه ما احنا لسه في الشتا وزاد عليه المطر والهوا بيرجعك لورا والناس ماشية بترفع طرف الهدوم كاننا علي الترعة وحاجة تفرح

متجريش ورا الفكره سيبها هتيجي هتيجي ..هتروح فين

عن الاصدقاء، مش عارفه أوقات بحس ان ده وضع طبيعي حصل لكل الناس وبيتعودوا علي صحاب الشغل وواحده واحده بيبعدوا هما كمان عن صحابهم القدام، أيا كان دي اجازة قصيرة وراجع للكلية والامتحانات هتقضيها في الاكتئاب؟

قطعت ورق النتيجة لحد 1إبريل .. تفتكر كده الصيف هييجي بسرعة
:P

2/06/2007 08:39:00 PM  
Blogger NoOR said...

انا لسه ما جيبتش نتيجه اساسا

2/06/2007 10:55:00 PM  
Blogger Nouran said...

انت جيت يا رمضان حمدلله ع السلامة يا شيخ ده انا كنت هبعتلك تاج بس قلت لسه الكمبيوتر عيان اول ما يكتب بوست هروح بنفسي عنده وابعتهولوا اعتبره وصل اعمل التاج يا هندزة
ليت الشباب يعود يوما شكلك عجزت اوي خلاص يا نور الدراسة جاية والاكتئاب طبعا مش هيروح :(
مش متعودين عليك ف المود الكئيب ده روق نفسك يا باشا

2/09/2007 02:55:00 AM  
Blogger ذو النون المصري said...

ياابني انا كمان مثلك تماما الاكتئاب لم اعد ادري له اي سبب هل هو قلة الشغل لا مستحيل دا الشغل طلع هو السبب لرئيس للاكتئاب عندي
و تشابه الايام بطريق مزعجه لا تشعر معها ان الايام تتغير
ايام بقت صعبه جدا
الاختناق اصبنا لم يعد هناك ما نخسره
ربنا يسهل لنا و نلاقي حل

2/10/2007 12:38:00 AM  
Blogger حــلم said...

يا نور وجعتنى اوى بكلامك
الشتا اكيد بيساعد على الاكتئاب
ان شاء الله هانت وهيخلص وترجع لطبيعتك
اما الشغل بأة فحدث ولا حرج
مثلا انا باتلكك واخد اجازة
لانى مش لاقية نفسى فى الشغل
باطالب بمسئوليات شفت الغباء
رغم ان الكل بيهرب من كدة
ومديرى يقوللى ماقدرش اعتمد عليكى لان اجازاتك كتير
وانا باخد اجازات لانه مش معتمد على
دايرة مقرفة
وبعدين المشكلة
ان اى زفت مدير يتهيأله انه ربنا على الارض
وكلامه مقدس
وهو فى النهاية البعيد حمار
وبياخد اوامر عليا ينفذها وهو مغمض

بافكر افتح حضانة
والله
واو ابقى اقعد بعيال الناس واسديت خدمة للمجتمع المريض

جاية اشيل اكتئابك كأبتك زيادة
بلاش قعدة القهوة
متهيالى الجو فيها بيزود الحالة وانت شايف الكل بيرزع على الطاولة والدومانة ويشد فى انفاس
حاول تعمل حاجة تانية

اقوللك
افتح كشك سجاير
وتبقى ساهمت مساهمة فعالة فى تلويث البيئة
:)

روق يا عم بلاش كدة

2/11/2007 12:09:00 PM  
Blogger NoOR said...

نور ان : ازيك انا جيت بس والله مطحون في الشغل مع دادي مطلع عيني ربنا يسهل واعرف اعمل التاج ده


بس انا سامع كلمه دراسه ......الكلمه دي عدت عليا قبل كده فين فين مش فاكر

ذو النون : حاسس بيك والله من غير ما تقول
ايه رايك نعمل حزب محاربه الاكتئاب

حلللللللللللم : وحشااااااااني انا ممكن اشاركك في الحضانه واجي اكل اكل العيال وامشي اما موضوع كشك السجاير فانا بكلم الساده المسؤلين عن تراخيص مصر الجديده اصلي هاعمل الكشك في شارع العروبه ..:)c

2/11/2007 03:06:00 PM  

Post a Comment

Links to this post:

Create a Link

<< Home