Tuesday, November 21, 2006

شئ اسمه الميد تيرم

حد يقدر يقولي ايه لازمة ام امتحنات التيرم والميد تيرم في الوجود غير الاخصاء علي البقيه الباقيه من كرامتنا الادميه في امتحنات تمثيليه سخيفه لا فائده منها غير دروس المراجعه لاصدقائنا المعيدين - معلش يا اخوانا ما انا تلاته من اصحابي اتعينوا معيدين- مش قر والله لكن انا قرفت ...........يعني ايه امتحن ست مواد في اسبوع واحد اطلع من امتحان اروح وانام شويه واصحي الحق اذاكر كلمتين علشان الحق انام علشان الحق اصحي علشان الحق امتحن و هكذا دواليك - دواليك يعني مرارا وتكرارا مش المقصود بيها دوالي سيادتك-لأ والادهي اني المفروض افضل متماسك لآخر الأسبوع ...............هاهاها ده عند أمه يا أدهم -الله يرحمه اللمبي مكانش عارف ان جمله هتبقي اقوال مأثوره -ه
انا يا دوب قدرتي الاستيعابيه تدوم لاول تلت امتحنات بعد كده بتحول الي انسان مبرمج اروح اخد ورقه الاجابه واكتب اسمي وسلام
الانكت بقي وانت بتتفرج علي ورقه الاسئله تلاقيهم جايبنلك تمن ورقه تحس ان الدكتور كان مبرشم عليها الاسئله عشان ما ينساهاش و كاتبلك فيها اكتب كل اللي تعرفه عن الماده نسيت اقولكم ان الزمن ساعه ونصها بيضيع علي ما ورق الاسئله يجي وما ينفعش يمد الوقت عشان اللي بعدك
بالمناسبه لو حد فاضي فيكوا قد ساعتين تلاته كل يوم يبقي يقرالي سوره يس و يدعي ربنا يهديني و اقعد اذاكر بدل العك اللي انا فيه..يا دوب بقي الحق ادخل انام فاضل علي الامتحان تلت تيام الحق انامهم عشان اروح فايق

33 Comments:

Blogger Lasto-adri *Blue* said...

فى رابعة انت بتتحول الى انسان مبرمج من قبل ما تبدأ امتحانات اساسا
نهاياهاهاهاه

لسا راجعة من امتحان.. التالت على التوالى فى قصر النظر اللى صابنى ولا حدش سمى عليا
ادخل، معرفش اللى فى ايدى دا امتحان انهى مادة وان عرفت معرفش احل

يعنى باختصار ربنا يستر علينا
انا بس عايزة اتخرج فعلا
:S

11/21/2006 02:53:00 PM  
Blogger مصرى said...

ههههههه

صدقني يا نور المخلوق اللي الميد تيرم ده مالوش أي لازمة
غير إن الطالب يتأكد إن المشكلة فيه مش في الإمتحانات
أنا النهارده راجع من تالت إمتحان ماخلنش في عادي بقى إرمي ورا ضهرك و الزمن يعالج

11/21/2006 03:13:00 PM  
Blogger saso said...

:(((
بجد بجد ربنا يكون في عونكم
انا كنت بذاكر اربع ايام بين الامتحانات واعرف اسم الماده من ورقة الاسئلة وكتير كتبتة غلط ما علينا واخر سنة كنت باشد شعري
عاوزة اشتغللللل

ربنا معاك يا نور ومع كل اللي بيدرس وتخلصوا واشوفكم موظفين زهقانين من الشغل والضغط وبتتكلموا في الاجازات السنوية والبونس وفي شغل الحكومة اللي اكيد اهون من اللي احنا فيه الي اخر الجمل المأثورة
:)
مستقبل مشرق يعني
بس علي الاقل مفيش حاجة ساعتها هتخليك تسهر في الشتا في البرد ماسك كتاب وبتطلع ايدك كل 1/2ساعة تقلب الصفحة

11/22/2006 12:02:00 AM  
Blogger NoOR said...

بلو : الي اخوانا في الكفاح المسلح من اجل القضاء علي التعليم ربنا يسترها معانا ومعاكوا ان اساسا من كتر الدروس نسيت بيتنا فين

ثانيا انا اساسا عندي زهايمر من ايام اعدادي ربنا يستر و افتكر ان الامتحنات يوم السبت

مصري : رميت ورا ضهري كتير بس اللي بيتنف لسه ما جاتش فقلبت بصفيحة زباله .......علي فكره العيب قيكم يا فحبايبكم اما الميد تيرم يا روحي عليه

ويلكم يا باشا

ساسو : بلاش تقولي الكلام ده قدام العالم دي لحسن انا شايف الحقد طاقق من عيونهم قال تطلع ايدك كل نص ساعه عشان تقلب الصفحه امال يعني اللي مش عارف يسيب القلم يعمل ايه
آآآآآآآآل اربع تيام بين الماده والتانيه انا عندي من السبت للخميس وان شوت

ربنا يستر علي وليانا

11/22/2006 04:18:00 PM  
Blogger change destiny said...

ربما معاك و معانا على دي كلية يا ابني

11/24/2006 03:18:00 AM  
Blogger NoOR said...

آآآآآآآآآآآآآآمين

11/24/2006 01:42:00 PM  
Blogger mano said...

كل دة ملوش لازمه غير انه يشغلنا عن التفكير فيما يدور حولنا
و نظل مغيبين عن الواقع
دة مش كلام طلبة بس لأ و دكاترة كمان

11/27/2006 12:38:00 PM  
Blogger Nouran said...

لا والف لا نور يا نور انا خلاص اتحرقت ع اساس اني شمعة امتحانات الميد تيرم دي كوميديا اول مرة ف حياتي اشوف امتحان رياضة يتحل ف نفس الورقة سبحان الله بس يا نور انت قولتلي متخشيش الكلية بس مقولتليش ايه نوع التعذيب بس انا عرفته الوقت هو السلاح بتاع الكلية انا هحول تجارة ولا احول اعلام ولا ارضى بنصيبي شكلي هرضى بنصيبي يالا كله لله اتعذب استاهل انا اللي مسمعتش كلام من الاول ربنا معاك يا نور ومعانا كلنا

11/27/2006 06:03:00 PM  
Blogger bosbos said...

ذاكر يابني خليك تخلص
معلش اهو مكتوب عليك وانت اللي عملت في نفسك كده


ربنا معاك

11/30/2006 12:10:00 PM  
Blogger nor said...

لما لقيت اسمك نور قلت شبه
لما شفت بلوجك وعنوانه
قلت أكيد انا ببص في مرايه
شد حيلك ونام كويس عشان لما يسألك الباشا ومتعرفش ميتريقش ويقللك لما انت بليد ومبتذاكرش سهران تهبب أيه
أهه ده اللي انت فالحين فيه ..ٌلي كنت سهران فيين؟؟

11/30/2006 02:38:00 PM  
Blogger AMRO said...

جارا أييه يا عم نور مالك باءييت خرع كيدا لييه داحنا الصاعقه بتاعت الكليات وي باعديين هيا اول مره أنشف كدا

12/01/2006 01:16:00 PM  
Blogger AMRO said...

سيدي الرئيس
في عيد ميلادك الكام وسبعين
كل سنة وانت طيب
واحنا مش طيبين
كل سنة وانت حاكم
واحنا محكومين
واحنا مظلومين
واحنا متهانين
ويا تري يا حبيب الملايين
فاكرنا ولا احنا خلاص منسيين
فاكر المعتقلين
فاكر الجعانين
فاكر المشردين
فاكر اللي ماتو محروقين
فاكر الغرقانين
الله يكون في عونك - ها تفتكر مين وللا مين
في عيد ميلادك الكام وسبعين
بقول لك كلمتين
الأوله
شيلتنا طين
و هل تعلم أن النيل بقي رشاح
و الجو أصبح بيئة والعيشة ولعة
و الشرفا قلوبهم عالبلد والعة
و انت عاملهم مذبحة ولا بتاعة القلعة
و الإقتصاد سداح
و السرقة بقت كفاح
و مصر متاحة بس للسياح
و عرض البلد بقي مستباح
و الثانية
ورتنا الويل
دا الخطوة في عهدك بقت ميل
و الضحك بقي نواح و عويل
و الكوسة
عارف الكوسة
ممكن أقول لك فيها مواويل
و الجامعة بقت يا إما كباريه أو دار مسنين
و الشباب معظمهم من غير خمرة سكرانين
و العلم عز علي المتعلمين
و الأساتذة بقم دجالين
و القادة بقم طبالين
و اديني في الهايف يا حبيب الملايين
و الثالثة
عارف اليابانيين
زمان في سنة اتنين و خمسين
كان عندنا تروماي و كان عندنا علم و متعلمين
و ثقافة و مثقفين
و أدبا و علما و فنانين
و كانو اليابانيين
بالنووي لسه مضروبين
و للصدقة مستحقين
دلوقتي إحنا فين و هما فين
هما فوق و احنا في أسفل سافلين
و الرابعة

أمن بلدنا بقي تنين
و المحاكم اتملت مظالم
و العدالة بقت كمالة
و كلمة الحق في الزبالة
و أصحابها في الزنازين
و الخامسة
القطاع العام....عام
و الفساد.....ساد
وفي جتة بلدنا بيرعي
أفتكر لجنابك إيه و للا إيه
و كل ذكري ليك بدمعة
آآآآآآآآه آآآآآآآآه
أنا كنت حالف ميت يمين
أكملهم لك تمنية و سبعين
بس ها كفيهم ورق منين
و كل سنة و انت ............
و احنا طيبين


| |

12/01/2006 01:17:00 PM  
Blogger الدواء فيه سم قاتل said...

و الله يا عم نور انت تحمد ربنا ع الاسبوع ده .. لأن ع التقطيع اللى بيحصل ده .. الخطوةالجاية ان امتحاناتكوا تكون امتحانات مفاجئة ..ههههههههه ربنا معاكوا يابنى على ما بلاكوا ..

12/02/2006 02:44:00 PM  
Blogger NoOR said...

مانو : معاك حق والله بس مش كده يقولولنا نتشغل واحنا هانتلهي في اي حاجه ان شالله انزل اعد العربيات في ميدان رمسيس

نوران : حمد الله عالسلامه انا قلت انتي نسيتي ان عندك بلوج اساسا

ثانيا : امتحان رياضه يتحل في نفس الورق احسن من امتحان كومبيوتر يتحل في ورقه ويقولك احنا بندوس علي ايه
علشان يطلعلنا ايه من قائمه الtools
في برنامج الاكسل ........عديها انتي لسه شفتي حاجه.......انا نصحتك وانتي اللي عملتي فيها ام الابطال اشربي بقي
بكره نلاقيكي بتكلمي نفسك وانتي رايحه الفاينال

12/03/2006 01:10:00 PM  
Blogger NoOR said...

بسبس : وحشااااااااااااني ايه هو كل اللي يتجوز ينفض للناس كده مبروك يا جميل

اديني ذاكرت اهه وبعدين ...دكتور بيسال سؤال آلا وهو اذكر المواصفه القياسيه المستخدمه في المعمل أنا مال أهلي انا هو انا اللي عملت المعمل عجايب والله

12/03/2006 01:12:00 PM  
Blogger NoOR said...

نور : ده شرف ليا يا باشا و شكرا عالكلام الجامد ده

بمناسبه النوم بقي متفكرنيش لأني اقعدت اسبوع انام في اليوم تلت اربع ساعات لما جيت في الاخر حسيت اني هيست وما بقيتش اجمع اي حاجه الحمد لله دلوقتي بقالي يومين نايم و اصحي اكل وانام تاني

ما تقطعش الزيارات بقي ....ماي توين

12/03/2006 01:17:00 PM  
Blogger NoOR said...

عمر : والله يا باشا باين ان العضمه كبرت و خلاص الواحد هايسلم نمر فين ايام ما كان الواحد يقعد في الميد تيرم اسد يبص للورقه مش فاهم وشها من قفاها ولا فارقه معاه وتلاقي ابتسامه بلهاء علي وشهه تقول بيتفرج علي فيلم كوميدي

ثانيا احب ان اؤكد اِن الكلام اللي كاتبه السيد عمر غير صحيح بالمره وان احنا بنستعد من دلوقتي لعيد ميلاد السيد الرئيس احتفاله به وانن اختارناه وبايعناه واحنا معاه لمشاء الله ...........و ربنا يسهل

12/03/2006 01:24:00 PM  
Blogger NoOR said...

عيسوي باشا : ياعم يعملوها مفاجئه مش ها تفرق كتير كده كده خربنانه بس عالاقل هتبقي رايح الكليه مش مكتئب و ده في حد ذاته انجاز عظيم

12/03/2006 01:25:00 PM  
Blogger الســـاحر said...

والله معاك حق ىفى امتحانات الترم والميد ترم مالهاش اى لزمه
وباين عليك تعبان اوى من الموضوع ده
معلش شد حيلك
دا قدر ومكتوب
وفى النهايه سلامى وربنا يوفقك

12/03/2006 09:05:00 PM  
Blogger عمر said...

ربنا يوفقك ان شاء الله وتنهي العملية التعليمية التعتيمية التتليمية بأقل خسائر ممكنة

12/05/2006 02:58:00 AM  
Blogger NoOR said...

ساحر : الف شكر ياباشا ربنا يكرمنا جميعا


عمر: اهلا بيك يا باشا وربنا ينجينا منها علي خير

12/06/2006 09:37:00 PM  
Blogger Nouran said...

كل سنة وانت طيب يا نووووووووووووووووور وعقبال 125 سنةن مش المرة دي عيد ميلادك مظبوط 10 ديسمبر صح ولا ايه
بس بص احتمال انزل النشرة الاسبوع اللي جاي بعد امتحان العملي

انت خلصت الميت تيرم ولا ايه :)
:p

12/12/2006 07:51:00 PM  
Blogger NoOR said...

و انت طيب يا قمر .المره دي تمام....ربنا معانا في الامتحنات جميعاو ربنا يوفقك


الف شكر يا نوران

12/13/2006 04:05:00 AM  
Blogger حــلم said...

ربنا معاك يا نور

كل سنة وانت طيب
هو عيد ميلادك صحيح؟

عقبال مليون سنة بس تكون خلصت وخرجت من عنق الزجاجة اللى عاملة زى زجاجة الخل دى

ربنا معاك يا بنى

12/17/2006 04:06:00 PM  
Blogger مبرمج حر said...

أنا هاقولك كلمه واحده بس
الله يحرق أى ميد تيرم فى العالم
الهدف الوحيد من الميدتيرمات خصوصا فى الهندسه هو أنتاج جيل جديد من ذوى العاهات العقليه الغير مطلوبه على الأطلاق لأن مفيش مخ يستحمل الضغط العصبى ده فى ست أيام ورا بعض
وحسبى الله و نعم الوكيل
و ربنا يوفقك
تحياتى

12/21/2006 12:40:00 PM  
Blogger saso said...

كل سنة وانت طيب يا نور..بقالي كتير باتخانق مع الكومبيوتر علشان اجي اكتبلك كده بس معلش بقي الكومبيوتر كان بيحتضر
كل سنة وانت طيب ومعندكش امتحانات ولا مذاكرة يارب
:)

12/22/2006 07:05:00 PM  
Blogger NoOR said...

احلام وحشاني والله لكن للاسف خلصت ميد تيرم لكي ابداء في العملي و الشفوي عندي امتحان بكره ادعيلي

كل سنه وانتي احلي واجمل و كل سنه وانتي طيبه

الف شكر يا جميل


مبرمج : ربنا يعدينا منها بعقلنا و صحتنا .......... الف شكر يا باشا


ساسو : والله و حشاني بس انا مطحون دروس و امتحانات و مذاكره...ادعيلي اعدي من امتحان بكره علي خير

وكل سنه و انتي طيبه و تكوني جبتي كومبيوتر جديد :)

12/23/2006 02:55:00 PM  
Blogger An Egyptian in UK said...

فى الحقيقة انا صاحب مدونة جديده ... و باكتب فيها بعض من تجاربى فى الحياه كمصرى بيحب وطنه... و يتمنى انه يبقى وطن حقيقى...حاليا باعيش فى انجلترا...المهم علشان ما طولش عليكم و اعطل و قتكم...اتمنى اضافة اسم موقعى الى قائمة مواقع صديقه بمدونتكم:

عنوان موقعى كالآتى:
http://kalambelmasry.blogspot.com/

و اسم المدونة "حدوته مصريه على المصطبه"

مدونتى عباره عن حدوته مصريه على المصطبه ...احكيها لابن بلدى المصرى البسيط "عبده" ...و هى حكايه سهله بس عويصه ...اتمنى انها تعجبكم

محمد الرفاعى
انجلترا

12/24/2006 03:21:00 AM  
Blogger change destiny said...

ايه يا عم هي رحلة الميد ترم و الترم

12/27/2006 01:11:00 PM  
Blogger saso said...

كل سنة وانت طيب يا نور
:)

12/29/2006 07:10:00 PM  
Blogger Nouran said...

كل سنة وانت طيب يا باشا

12/30/2006 03:26:00 AM  
Anonymous Nony said...

يعنى رأيك أفضل ف ثانوية عامة أحسن ؟
لا ميد تيرم باة و لا عبط

كل سنة و انتو طيبين

12/31/2006 10:29:00 PM  
Blogger NoOR said...

ندي : ازيك ........انتي عارفه بقي الطحن اللي احنا فيه انا بمتحن بقالي شهر ونص اهه

ساسو و نوران :- كل سنه وانتوا طيبين يا جميل

نوني : ده سؤال ..........اكيد طبعا تبعدي عن اي كليه فيها كلمه هندسه واحسن خليكي بالثانويه العامه حفاظا علي عقلك

1/01/2007 03:51:00 PM  

Post a Comment

Links to this post:

Create a Link

<< Home