Who am I ?
قررت اخيرا الاجابه علي هذا التاج الي بعتاه لووووووني ندي................معلش يا ندي عارف انه قرب يحمض بس انا كنت حاطه في الديب فريزر
هل أنت عقلاني أكثر أم عاطفي؟
العبد لله غير عاطفي بالمره .........تقدر تقول وانت مطمن سيكوباتي قديم
صف شخصيتك في خمس كلمات؟
طيب......... لدرجه السذاجه
مجنون
حالم
عاشق للحريه
مسطوووووووووووول الي ابعد الحدود
اذا كان لكل انسان شبيه من الحيوانات , أي الحيوانات يشبهك؟
والله مش عارف بس لو كنت حيوان كنت اتمني اني اكون صقر .........عايش في اعلي السما ومبيهموش حد علي الارض و زي ماقال احمد ذكي في فيلم الهروب الصقر ما ينزلش للارض غير علشان يصطاد أو يموت
ما هو لونك المفضل؟
الأزرق
هل أنت اجتماعي أكثر أم منعزل؟
منعزل بس مقدرش أعيش من غير أصحابي بحس اني ميت من غيرهم
ماذا يشكل أصدقائك بالنسبة لك؟
أديني جاوبت عالسؤال من غير معرف ..............ارجع للسؤال السابق
هل أنت مرتبط بعائلتك؟
الكدب خيبه ................مش قوي
هل أنت عصبي أكثر أم هادىء؟
يوووووووووووووووه علي قد ما تقدر تقول عصبي بس سبحان الله ساعات ببقي بارد جدا
هل تفضل فصل الصيف أم الشتاء؟
الصيف ........الصيف ....................الصيف ده أنا حتي بيجلي اكتئاب في الشتا مش مصدق اقرا البوسط اللي فات
متى آخر مرة بكيت فيها ؟ و لماذا؟
يمكن من وانا في اعدادي ما بكيتش لدرجه اني بحس ان معنديش غده دمعيه اساسا
ايه رأيكوا فيا بقي بعد الاعتراف الخطير ده؟............السؤال ده ليكوا
posted by NoOR at 9:56 PM
29 Comments:
esned dahrak we 2orbot 7zam el 2aman kways
ana da5alt el bloge ya noor
el comment ba2a bta3e ene 3aref kol el kalam ele enta 2olto dah wama 5afya kan 2a3zam
ana 2asef ya noor maba3rafsh akteb 3arabe we dah msh la2ne bolande wala 7aga bas ana batee2 2wee fe el 7roof el 3arabe
اخيرا عملته يا هندزة ده اللي هتعمله بعد الكورس هههههههه
نور يعني ايه سيكوباتي ديه؟؟
نورااااااان
سيكوباتى دى يعنى
معقد نفسياً ماشى
مجنون ماشى
اهبل ماشى
اختارى انتى بقى
:D
Psycho
وبتتنطق كدة سيكو
فيتو : ويلكم في بلوجي المتواضع
النبي عربي يا عم الحاج
نوراااااااان : علي فكره امتحان الكورس بعد بكره
اهو سويدي قالك يعني ايه سيكوباتي بس مشيها مجنون احسن
سويدي : كفاره يا راجل الحبس للجدعان انت كنت فين انا قلت كائنات فضائيه خطفتك.........ايه أهبل دي تقصد ان انا اهبل يعني ماااااااااشي
ربنا يسامحك
ربنا معاك ف الامتحان يا هندزة
يعني هي اصلا مجنون طب انا همشيها مجنون :))
كلنا هذا الرجل
صبح صبح ياعم الحج رمضان كريم
ايه الجابات الصريحه والمختصره
وواضح انك انسانه عمليه
وربنا يوفقك
وكل سنه وانتى طيبه
:) صح النوم يا باشا
يالا الخمد الله
و أهلا بيك في نادي السيكوباتية
نور انت تقصد ايه بالصورة اللي انت حاططها في البروفايل بتاعك
وحشتوني وحشتوني :-
كل سنه وانتوا طيبين هي متأخره نص شهر بس مش مهم
نوران : ازيك عامله ايه في الكليه اصل انتي شويه وها تعرفي الجنان اللي علي حق
بسبس : ازيك وحشاني والله
عمر : الله اكرم ياعم الحاج
الساحر : حضرتك فهمتني غلط انا انساااااااااااااااان ....مذكر يعني
عموما الف شكر
ندي : ويلكم باك
يا ماما أنا عضو مؤسس في نادي السيكوباتيه لو عايزه واسطه هناك قوليلي :)C معلش عالتأخير أصلي كنت نايم الفتره اللي فاتت
تاااااااااااتي : لو مش عجباك يا باشا نغيرها بس انا لقيتها مطرقعه و الذ من البؤس بتاع السجون التاني
نور يا سيكو
تعرف ان اجاباتك سكر
وواضح انك سيكو بجد
:)
عجبنى أوى تعليق الاخ الساحر
:)
يا بنى غير اسمك دة بلاش مشاكل كل شوية
هو كورس ايه اللى كنت بتاخده؟؟
ازيك يا جميل ....... عمله ايه ؟
هيههههههههه يعني اخيرا حد اعترف اني سايكو
اعمل ايه معاهم بقي فاهمني غلط :)
مع ان ايامنا كان نور اسم ولاد بس هو الزمن اللي غيره
كنت باخد كورس في برنامج
mechanical design
اسمه
Inventor 10
و الله يا نور الصورة بتاعة المسجون اللي بيفكرني بفيلم اللص و الكلاب دي كانت جميلة و معبرة
بس يلا اهو تغيير
بس انت هتحس باللي انا حاسة بيه لو انا غيرت الصورة بتاعتي قريب
هتحس اني مش انا
تصدقي اني فعلا مش متاقلم مع الصور دي و حاسس اني مش أنا و عمال اقول ارجع الصوره القديمه ولا لأ
ايه دة انت جيت
انا كنت لسة هاروح ادور عليك في هندسه
اية طول رمضان مش موجود كده مكانش كورس ده
:)
نور انت عيد ميلادك عدى ؟؟
ولا تهيأت كان ف البروفيل 23 بعد كده بقى 24
لو مش تهيئات يبقى كل سنة وانت طيب وهابي بيرز تو يو وعقبال 124 سنة وهنزلها ف النشرة الجاية ولو تهيئات يبقى كل سنة انت طيب العيد قرب :)
ساسو
ازيك والله كلكوا واحشني بس المشكله اني في رمضان يانايم... يا في الجامع... يا في الكليه ولما بروح الكليه بيبقي اليوم كله نووووووووووووووم المشوار مستحيييييييييييل في الصيام
بس الف شكر علي سؤالك.... وكل سنه وانتي طيبه
نوران : كل سنه وانت طيب يا جميل بس للعيد لأن أنا عيد ميلادي في شهر ديسمبر ( كانون الأول)-زي ما بيعملوا في المجلات اللبناني
خلي موضوع النشره ده بقي يوم
10/12
تاتي : اديني رجعت صورة اللص و الكلاب علشان ما تتلغبطيش فيا..... يعني لو لقتيني ماشي في الشارع متتلغبطيش هاتلاقي علي وشي قضبان
يـــــــاه يا نور فرحتني و الله انا بحب الصورة دي جداً و الله و بتفكرني بالمشهد اللي في فيلم اللص و الكلاب و هو سعيد مهران واقف عند الشباك و حديد الشباك كأنه القضبان و يتخيل انه في المحكمة و بيدافع عن نفسه
ربنا يكرمك يارب و كل سنة و انت طيب
نور نور نور
هوا انت دخلت عيد ميلادك اتناشر اكتوبر بدل عشرة ديسمبر؟
فعلا البروفايل زاد سنة زي نوران ماقالت ومكتوب انك برج الميزان يعني اكتوبر بجد
اوعي تكون مقيد في اكتوبر زي كل صحابي علشان المدارس
:)
دي أكيد مكيدة من احد الاعداء ..الكلاب
ال انا ميزان آآآآآل ....خياااااانه
انا قوس وحافضل قوس
مش حد يقولي ان الناس دي بتكتب الشهر قبل اليوم...........بدل الاحراج ده وخلتوني بس اغلط في الناس
يالا حصل خير اهو حتي الميزان طيب وابن حلال
اللهم ان لي احبة قد قصرت بحقهم و انشغلت عن وصلهم فعطر ايامهم بالايمان و تقبل منهم و منا صالح الاعمال ..امين يا رب العالمين و كل عيد و انتم من السعداء المغفور لهم
تحياتي
كل سنة وانت طيب يا باشا انا بحسب نفسي اتسطلت لدرجة اني مخدتش بالي بس انا كنت متاكدة من موضوع البروفيل ده طلع انت اللي كتبت غلط استنى النشرة يوم 10 /12 يا مان
بلوج جميل وأسألة وأجوبة صريحة وفيها منها فية ;)وحكاية السيكو دي معضمنا بقينا سيكو من كتر اللي بقينا نشوفو في الدنيا دي
هو فعلا مفيش فايده ولا لأ هى الدنيا اسودة مرة واحده كده ليه ..........................................................................................................يعنى خلاص
Post a Comment
<< Home