Friday, March 28, 2008

كلمتين لمصر


كل عين تعشق حليوة
و إنتي حلوة في كل عين
يا حبيبتي أنا قلبي عاشق
و اسمحيلي بكلمتين
كلمتين يا مصر يمكن
هما أخر كلمتين
حد ضامن يمشي آمن
أو مِـآمن يمشي فين
..........................
شابة يا أم الشعر ليلي
و الجبين شق النهار
و العيون بحرين أماني
و الخدود عسل و نار
و اللوالي ( اللؤلؤ) بابتسامتك
يحكوا أسرار المحار
يللي ساكنة القصر عالي
إيمتى يهنالي المزار
كلميني يا صبية
طال علي َّ الانتظار
كلمتين يا مصر يمكن
هما أخر كلمتين
حد ضامن يمشي آمن
أو مِـآمن يمشي فين
.....................
قصرك المسحور غيلانو
أغبى من دود الغيطان
بعد مص الغصن الاخضر
ينحتوا عضم العيدان
و اللي خلى الارض خضرا
و اللي خلى الدار آمان
عاش بجور ملو جوفه
مات بخوفه من الغيلان
طوّع الغلبان
ما قالش عن شقا العمر اللي كان
كلمتين بمصر يبقوا
هما أخر كلمتين
حد ضامن يمشي آمن
أو مِـآمن يمشي فين
....................
أدي كلمة من عذابي قلتهالك
باقي كلمة
من حنيني صنتهالك
في الضلوع من دنيا ظلمة
كنت خايف يلمحوها
يقتلوها في سكة ظلمة
سقسقت و النور بشاير
زهرة الصبار يا سلمى
يا نسيم الشوق يا طاير
خد لمصر في الصبح كلمة
طول ما يبقى الركب ساير
بالبصاير و العينين
يبقى ضامن يمشي آمن
يبقى عارف يمشي فين
كلمات : أحمد فؤاد نجم
كنت ناوي أقول كلمتين كومنت بس فعلا بعد الكلام ده خلص الكلام اللي أقدر أقوله انصحكوا تسمعوها من الفنان شربيني أحمد مطرب فريق نغم مصري ...........................حكايه

Labels: , ,

14 Comments:

Blogger مـحـمـد مـفـيـد said...

رغم كل المعاناه والالم
لكنها ستبقي في القلوب

3/28/2008 02:33:00 PM  
Blogger NoOR said...

للأسف معاك حق...... منورنا يا باشا
:-)

3/29/2008 01:47:00 PM  
Blogger Rainbow said...

بحبها
بس زعلانة من ناسها :(

4/06/2008 09:14:00 AM  
Blogger Gannah said...

اخى الكريم
مدونتك جميلة و ذوقك فى انتقاء الشعر يدل على انك فنان و لو انه شعر بيوجع قوى اصله جه على كل الجروح و نكشها .بس ليه عندك عتاب بلاش اسم ما فيش فايدة طول ما فيه ناس متهمة زيك يعنى مصريين بجد و بيحبوا البلد دى لازم يكون فيه فايدة. تقبل تحياتى و دعوتى لك لزيارتنا

4/13/2008 04:42:00 PM  
Blogger NoOR said...

Rainbow :

يا تري هي كمان بتحبنا و لا نسيتنا ؟

4/17/2008 02:26:00 PM  
Blogger NoOR said...

Gannah :

الف شكر علي الكلام الجميل ده ..أما موضوع مفيش فايده فكان بعد سنه أو أكتر من الاذان في مالطه
بي اس :

عملت زياره سريعه للمدونه بتاعتك و ربنا يوفقك و تفهمي الرجاله اللي انا أصلا مش فاهمهم.... ربنا معاكي

4/17/2008 02:32:00 PM  
Blogger saso said...

هي خلاص بقت قاعدة
بوست كل شهر يعني؟

4/20/2008 03:19:00 AM  
Blogger NoOR said...

الكسل وحش بعيد عنك :-)

ثانيا : حد تاني اللي يتكلم ما الحال من بعضه

4/21/2008 03:15:00 AM  
Blogger saso said...

:D
لا منا اصلي بقيت رغاية فهفضل اتنطط براحتي

4/22/2008 12:46:00 AM  
Blogger codecx said...

دردشة شات بنت مصر ، دردشة مصرية - مجتمع مصري ترفيهي للمرأة المصرية
دردشة
بنت مصر
شات بنت مصر
دردشة بنت مصر
شات مصرى
دردشه مصريه
شات بنات مصر
دردشة مصرية
دردشة بنات مصر
شات مصر
دليل بنت مصر-شات بنت مصر - دليل الدردشات
دردشة بنت مصر،شات بنت مصر،بنت مصر،العاب بنت مصر
دردشة بنت مصر،شات بنت مصر،بنت مصر،يوتيوب بنت مصر
شات بنت مصر،دردشة بنت مصر،بنت مصر،جوال بنت مصر
بنت مصر،دردشة شات بنت مصر،توبيكات بنت مصر
دردشة بنت مصر،شات بنت مصر،بنت مصر،مطبخ سيدتى بنت مصر
دردشة بنت مصر،شات بنت مصر،بنت مصر،الازياء والموضة بنت مصر
شات بنت مصر،صور الماسنجر بنت مصر،صور دردشة بنت مصر
شات،شات كتابى،شات بنت مصر،شات مصرى،مصري

4/07/2010 12:37:00 AM  
Anonymous نادي حواء said...

كلمات جميلة

10/12/2011 04:38:00 PM  
Anonymous mekano said...

شات حكايه بنت



دردشه حكايه بنت

شات ودردشه مصريه

دردشه بنات حكايه


شات حكايه بنات

شات بنات مصر

6/04/2014 01:00:00 PM  
Blogger Lokashree sam said...


It was a great information and Its really worth enough reading it. The author did an mind blowing work by describing each and every concept in detail. Thanks for such an informative post. Please keep up your good work.
Engineering Colleges In Chennai, Nautical Science Colleges In Chennai

2/27/2017 07:08:00 AM  
Blogger light-elrahman.com/ said...

شركة ضي الرحمن


شركة كشف تسربات المياه بالقطيف
شركة كشف تسربات المياه بالاحساء

4/25/2017 09:25:00 PM  

Post a Comment

Links to this post:

Create a Link

<< Home