Monday, March 17, 2008

you Have Been Tagged

قاعد في امان الله لا بيا ولا عليا الاقيني لابس في تاج من البنوته اللي زي العسل ميويه واللي مش ها اقدر اكسفها لأنه أول تاج ليها
ربنا يستر
دخلت مجلس الشعب من اوسع ابوابه ايه هو رمزك الانتخابى المفضل ؟

الشاكوش ..................علشان اكسر بيه الروتين و البيروقراطيه وقبلهم دماغ الفاسدين




كنت تفضل الدخول مستقل او تتبع حزب معين ؟

أكيد وطني طبعا وانا عبيط ولا ايه امال هترستق في الكرسي كام دوره و اعملي قرشين ازاي .....و لا عاوزهم يلبسوني العمه و اخرج بفضيحه المطاهر يوم خروجه عالمعاش



اذا دخلت مستقل هل توافق على التوقيع للحزب الوطنى بعد نجاحك كمستقل ؟
بما اني اصلا قلت اني هادخل وطني و ده كان هزيان فاكيد مش هاوقعلهم انا هاوقع للناس علي تعهد اني افضل مستقل .....لحد اول قفا

ايه اول حاجه هتعملها لنفسك ولاسرتك ؟

جمعيه و اقبضها الاول علشان اصلح العربيه


ايه المشروع اللى ناوى تعمله لاهل دايرتك ؟؟؟؟ دون ذكر اسم الدائره ان اردت

بيتهيألي دايرتي الكبيره أهم


قعدت فى المجلس جنب نائب مميز . من هو النائب ؟؟؟

لو كان الحاج كمال الشاذلي موجود كنت قلت اقعد جنبه اهو الواحد يتقي لسانه



قدمت سؤال للحكومه ايه هو السؤال ؟

الاحساس نعمه


طلب احاطه موضوعه ايه ؟؟؟ وبتقدمه لمين ؟؟؟؟

للسيد رئيس الوزراء .....................انت لسه قاعد فيها ليييييييييييييييييييييييييه؟؟؟؟؟


استجواب لاتنين من الوزراء موضوعه ايه ؟؟؟؟وبتستجوب مين ؟؟؟؟

وزير التعليم العالي و الواطي ....لامؤاخذه
هو التعليم راح فين ؟؟؟؟؟؟؟؟؟؟؟؟؟؟؟

و لوزير النقل ........................معاليك اخر مره ركبت فيها اتوبيس نقل عام كنت في سنه كااااام ؟؟

هل انت مع الخصخصه ؟

أكيد بس لو ها يخصوا الي غلوا العيش و الحديد و الرز و الزيت وخلافه



هل انت مع قطع العلاقه مع اسرائيل ؟

يا راجال طب و ندي الغاز برخص التراب لمين للشعب لا سمح الله ....انت اكيد بتهرج
طب و الكويز ...نجيب زراير للفلنات اللي بنصدرها أمريكا منيييين


هل تؤيد الحرب على العراق ؟

تأيدي من عدمه لن يفعل شئ.............الحرب قامت و العراق خربت واللي كان كان
ممكن يبقي السؤال هل أنت مع الحرب علي السودان أو ايران أو سوريا أو حط أي بلد عربي يعجبك ؟


هل تؤيد مرور الامريكان فى القناه ؟

قناة .......تقصد ميلودي ولا مزيكا؟؟؟؟؟


هل انت مشترك فى مؤامره كسر فرنسا هانم بالاشتراك مع ام دبوه ؟

أعدمك لو كنت فاهم


بتمرر التاج ده لمين ؟

لأي شاب أو فتاه له نفس يعمله

15 Comments:

Blogger ميّويه said...

هيييييييييييه أول تعليق
يا حاللولي

3/21/2008 12:19:00 AM  
Blogger ميّويه said...

معلش دخلة عيالي شوية

ههههههههههههه
والله إجابات حلوة أنا سخسخت من الضحك
طب حضر نفسك للقنبلة الجاية










فيه تاج...

@#$%#%$#%$#%$%@#$@%#$@^%#$

استني بس حِلمك عليا هو انا لسة كملت


فيه تاج جميل أوي اسمه التاج النبوي حتلاقيه عندي
دة بقي رائع أنصحك تجاوب عليه لو قدرت معلش متقلة عليك
بس براحتك
أنا لو عارفة إنه مش حيفيدك مكنتش مررته لك

3/21/2008 12:24:00 AM  
Blogger NoOR said...

ميوي انت تؤمر يا جميل .... بس افضي شويه علشان عندي ميد ترمات و بخلص شويه حاجات في مشروع التخرج وانا هاجاوب هوا


مرسي يا جميل و لا يهمك عالدخلات العيالي ده انا بروفيسير في المعيله :)

3/21/2008 02:39:00 PM  
Blogger bota said...

السلام عليكم
الاجابات لذيذه اوي يا نور
ربنا يوفقك ويقويك

3/22/2008 03:14:00 PM  
Blogger NoOR said...

thax bota

3/23/2008 04:23:00 PM  
Blogger saso said...

:))))
والساعة 3.30 بالليل حبكت اقرا البوست ده

ضحكتني وخضيت القطة واللي كان كان

LOL @ أعدمك ان كنت فاهم
-----
يادي المذاكرة والميد تيرم والمشروع الأبدي
ربنا معاك يارب

3/25/2008 03:25:00 AM  
Blogger NoOR said...

أهم حاجه القطه بخير؟؟؟؟؟؟؟؟

مجرد اني قدرت أضحكك فده وسام علي صدر العبد الفقير يتشرف بيه

ايه رأيك بقي في البقين دول؟

من جهه يادي المذاكره فمش قادر اقولك عالحاله الخزعبليه اللي انا فيه عندي بتاع اتنين مليون تسعميه و ستين ميد تيرم الاسبوع الجاي و خلاااااااص زهقت من التعليم واللي بيتعلموه

3/25/2008 09:10:00 PM  
Blogger ftafeet said...

اممممممممممممممم
اجابات حلوه ومختصره
بس عارف ضحكتنى فى حوار الحزب الوطنى ده بجد مش ممكن

مدونه حلوه اوى

نونااااا

3/26/2008 07:13:00 PM  
Blogger NoOR said...

thax nona :-)

3/27/2008 01:58:00 AM  
Blogger saso said...

:)
اهي بتتنفس بس بطلت تقرب للكومبيوتر وتشمشم زي العادة

تقريبا اقتنعت ان هوا سبب الخضة

الأسبوع خلص عملت ايه
فرحني
:)

4/05/2008 04:17:00 PM  
Blogger NoOR said...

تمااااااااااااااام

4/05/2008 06:09:00 PM  
Blogger codecx said...

دردشة شات بنت مصر ، دردشة مصرية - مجتمع مصري ترفيهي للمرأة المصرية
دردشة
بنت مصر
شات بنت مصر
دردشة بنت مصر
شات مصرى
دردشه مصريه
شات بنات مصر
دردشة مصرية
دردشة بنات مصر
شات مصر
دليل بنت مصر-شات بنت مصر - دليل الدردشات
دردشة بنت مصر،شات بنت مصر،بنت مصر،العاب بنت مصر
دردشة بنت مصر،شات بنت مصر،بنت مصر،يوتيوب بنت مصر
شات بنت مصر،دردشة بنت مصر،بنت مصر،جوال بنت مصر
بنت مصر،دردشة شات بنت مصر،توبيكات بنت مصر
دردشة بنت مصر،شات بنت مصر،بنت مصر،مطبخ سيدتى بنت مصر
دردشة بنت مصر،شات بنت مصر،بنت مصر،الازياء والموضة بنت مصر
شات بنت مصر،صور الماسنجر بنت مصر،صور دردشة بنت مصر
شات،شات كتابى،شات بنت مصر،شات مصرى،مصري

4/07/2010 12:37:00 AM  
Anonymous mekano said...

شات حكايه بنت



دردشه حكايه بنت

شات ودردشه مصريه

دردشه بنات حكايه


شات حكايه بنات

شات بنات مصر

6/04/2014 01:03:00 PM  
Blogger Lokashree sam said...


It was a great information and Its really worth enough reading it. The author did an mind blowing work by describing each and every concept in detail. Thanks for such an informative post. Please keep up your good work.
Engineering Colleges In Chennai, Nautical Science Colleges In Chennai

2/27/2017 07:08:00 AM  
Blogger light-elrahman.com/ said...

شركة تنظيف مجالس بالدمام
شركة تنظيف مجالس بالخبر
شركة تنظيف مجالس بالقطيف
شركة تنظيف مجالس بالجبيل
شركة تنظيف مجالس براس تنورة



4/25/2017 09:24:00 PM  

Post a Comment

Links to this post:

Create a Link

<< Home