شافيز بطل العرب

أيها السادة
لم يبق اختيار
سقط المُهرُ .. من الاعياء
وانحلت سيور العربة
ضاقت الدائرة السوداء

حول الرقبة
صدرنا يلمسه السيفُ

وفى الظهر الجدار

سبحان الله يعني مش عارف حكامنا دول جنس ملتهم ايه يعني مش كفايه الفضايح اللي فاضحينهالنا لأ وجيبنلنا الكلام

كمان انا اتفرجت امبارح علي حديث الرئيس هوجو شافيز اللي هو لا مسلم ولا عربي واديه خد موقف اجدع من العمم اللي عندنا الراجل صعب عليه اللبنانين قام ساحب السفير بتاعه وطارد السفير الاسرائيلي والغريبه ان الراجل صعبان عليه العرب اكتر من العرب نفسهم سبحان الله قد كده احنا مش صعبانين علي نفسنا ده الراجل كان هاين عليه يقولنا اقعدوا في بيوتكوا وانا ابعتلكوا رجاله تحارب اسرائيل والله وهو بيتكلم عن القوميه العربيه تقول ده عربي ومتنكر

وبيقول انا ناصري من وانا ظابط صغير في الجيش الصراحه مش عارف اقول لحكامنا ايه

كسفتونا في وسط خلق الله

أموت فى الفراش مثلما تموت العير
أموت ، والنفير يدق فى دمشق
أموت فى الشارع : فى العطور و الازياءْ
أموتْ .. والاعداءْ تدوس وجه الحق
وما بجسمى موضع الا وفيه طعنة برمحْ

إلا وفيه جُرحْ

إذن فلا نامت أعين الجبناء

تحديث

عربيٌّ أنا أ ر ثـيـنـي شقّي لي قبراًً ... و ا خـفـيـني

ملّت من جبني أوردتـى....... غصّت بالخوف شرا يـيـني

ما عدت كما أمسى أسداً........بل فأر مكسور العينِ

أسلمت قيادى كخروفٍ......... أفزعه نصل السكينِ

ورضيت بأن أبقى صفراً...... أو تحت الصفرِ بعشرينِ

الرئيس البطل هوجو شافيز طلب من قطر ان تمنع امريكا من استخدام اراضيها كقاعده لامداد اسرائيل بالقنابل الذكيه ..........الله أكبر عليكوا ياعرب تتحسدوا والله

لأ والادهي انه طلب منهم ايضا انهاء حاله النفاق واغلاق مكتب التمثيل التجاري مع اسرائيل ...ايه الحلاوه دي هو مين العربي فنزويلا ولا قطر

خبر بمليون جنيه

الحمد لله يا جماعه روتانا سينيما طمنتنا علي نجومنا الابطال والي قاموا بهمه انتحاريه مملؤه بالمخاطر خلال هروبهم من بيروت الي بلد الأمن -المركزي طبعا- والامان مصر و هؤلاء الابطال هم المناضل جاد شويري والانتحاري لؤي و الانتحاريه دانا واخواتهم كلم من نانسي وهيفا -بتاعه الواوا- ربنا يحميهم لنا يارب ....مش عارف كنا هانعمل ايه لو جرالهم حاجه

اغيظكوا اكتر ولا كفايه كده

يعني مش عايزين تعرفوا ان امين السياسات المحبوب كتر خيره راح يساعد اللبنانين وخد في ايده كام وزير علي كام فنان لزوم الوجاهه...تقريبا استاذن من امريكا الاول

اخيرا

الفنان الحليوه حسين فهمي عمل بنط جدعنه واستقال من مهمته كسفير للنوايا الحسنه في الامم المتحده وابدي في اسباب استقالته احتجاجه علي الموقف السلبي للأمم المتحده ...........طيب كمل جميلك ياراجل واعتزر عن وجودك مع الوفد الرسمي المصري احتجاجا علي سلبيه الاداره المصريه