A vEry SpECiaL TaG ......FroM AhLaM
ـــ هل أنت راض عن مدونتك شكلاً وموضوعاً؟
بصراحه بكل صراحه موضوع الشكل ده كنت عايز اعمل حاجه احسن من كده بس مش فايق لها اما موضوعا فدي حاجه انتوا اللي تقولوا رأيكوا فيها
ـــ هل تعلم أسرتك الصغيرة بأمر مدونتك؟
الصراحه برضوا لأ.....جايز علشان مش عايز وجع قلب ونظام متكلمش في السياسه وكده
ـــ هل تجد حرجاً فى أن تُخبر صديقاً عن مدونتك؟ هل تعتبرها أمرا خاصا بك؟
لأ عادي بالعكس انا بحب اخد رأي صحابي فيها
ـــ هل تسببت المدونات بتغيير إيجابى لأفكارك؟ اعطنى مثال فى حالة الاجابة نعم
اكيييييييد غيرت كتير في تناولي للرأي المعارض و بعض الافكار اللي كنت معترض عليها
ـــ هل تكتفى بفتح صفحات من يعقبون بردود فى مدونتك أم تسعى لاكتشاف المزيد؟
في الأول كنت مهتم بمتابعه كل المدونات اما دلوقت فمكتفي بالمدونات اللي عجبتني
ـــ ماذا يعنى لك عداد الزوار.. هل تهتم بوضعه فى مدونتك؟
بيعني بالنسبه لي ان في حد معبرني ومهتم بالكلام اللي بكتبه بس الاهم هم تفاعلات الزوار والكومنتس اللي بيكتبوها
ـــ هل حاولت تخيل شكل اصدقائك المدونين؟ اعترف
جايزببقي راسم شكل لكل واحد من طريقته كتابته
ـــ هل ترى فائدة حقيقية للتدوين؟
أنا أدون ........اذن أنا موجود
ـــ هل تشعر أن مجتمع المدونين مجتمع منفصل عن العالم المحيط بك أم متفاعل مع احداثه؟
اطلاقا.............ده متفاعل ومتفاعل جدا كمان
ـــ هل يزعجك وجود نقد بمدونتك ؟ أم تشعر انه ظاهرة صحية؟
هو اكيد حاجه صحيه وبتصحح وجهات النظر وبتعمل تقارب في الافكار وده شئ مفيد
ـــ هل تخاف من بعض المدونات السياسية وتتحاشاها؟ هل صدمك اعتقال بعض المدونين؟
طبعا بخاف بس مش منهم ولا عليهم بخاف علي الحكام بتوعنا اللي لسه فاكرينا سذج......اما موضوع الاعتقالات فاكيد صدمتني وخصوصا من كتر العنف زي ما حصل مع شرقاوي
ـــ هل فكرت فى مصير مدونتك حال وفاتك؟
بصراحه لأ..............لأن ساعتها هايكون في حاجات أهم يعني موضوع الميراث و هيقسموه ازاي و البلوج هايبقي من نصيب مين في الاولاد
بس ماتقلقوش عايزكوا تطمنوا علي الاخر سويدي معاه الباص وورد وهيبلغكوا اني في دار الحق ثانيا انتوا اكيد ها تعرفوا من نشره الاخبار ......مهم انا اصلي
بس امانه عليكوا تزيعوا في البلوجات بتاعتكوا مرشات عسكريه و قرآن وعايز نعي محترم في الاهرام وحداد اربعين يوم
ـــ آخر سؤال : تحب تسمع أغنية إيه- بلاش صيغة آمال فهمى دى - ما الاغنية التى تحب وضع اللينك الخاص بها فى
مدونتك؟
عادة بحب اسمع أغاني منير وفيروز اما في الوضع الحالي احب اسمع ودع هواك بتاعة عبد المطلب
ـــ اكتب اسماء خمسة مدونين ليقوموا بهذا الاسقصاء بعدك
ـــ اكتب اسماء خمسة مدونين ليقوموا بهذا الاسقصاء بعدك
و أي حد عجبه التاج
مع العلم ان سويدي وتاتي وبسبس مبعوتلهم من الأول
posted by NoOR at 5:32 PM
28 Comments:
ياعم انت مدونتك كبيره من يوم ما طلعت بس انت جرب هاتلاقيها لذيذه
حداد اربعين يوم ولازم كل المدونات تذيعه بص بقى لو انت مت قبلي هعملك نشرة وهلغي فقرة التهنئة ولو العكس يعني انا مت الاول هخلي صحبتي تعملي نشرة ويا ريت تكتب نعي ليا لو سمحت اه وكده تكون اتعملك تهنئة وتعذية ف النشرة شوفتبقى :)
كده تبقي امي دعيالي .......بعد الشر عنك وبعد عمر طويل ان شاء الله حتي تكوني اتمتعتي بالحياه في كليه الهندسه:)
ههههههههههههههههههههههه
تتمتع بالحياة فى كلية هندسة؟
ههههههههههههههههههههههه
مش عايز حد يقلق الباس وورد معايا وممكن اقولكوا انه مات وهو لسة عايش عادى يعنى
:D
نور
ربنا يخليك وتنور بلوجر دايما
مش عارفة ايه اللى خلانى اكتب السؤال الاخير دة
بس دى سنة الحياة يا شباب
اجاباتك كلها جامدة جدا
وياريت تفضل كدة قلبك جرىء على طووول
تحياتى لك
بعد الشر عننا كلنا يا عم وشكل امي دعيالي علشان اتمتع ف كليه الهندسة دي شكلها جحيم لا يطاق كرهتوني فيها قبل حتى ماروح واشوفها - وربنا لسه مرحتش- ايه يا عم سويدي انا بدور عليك وانت قاعد هنا فين التعليق يا باشا انا بحسبك رحت المنصورة تاني :)
ايه ده يا نوران انا فعلا كنت فى المنصورة امبارح
انتى ماشية ورايا ولا ايه؟؟
:D
مش بقيت وزيرة الدفاع بعرف اي حاجة ف البلد
سوري يا نور قلبناها شات عندك ناسف يا بشمهندس
يا نوران عادى نقلبها شات بوكس براحتنا
:D
هاتى صحابك ونتكلم هنا مافيش مشاكل
:D:D:D
ايه ده يا نور انا دخلت البلوج غلط هو ده بتاعك ولا سويدي انا جاية اهدي النفوس
قولي يا سويدي اجبهم الساعة كام بالظبط ابعت دودي تيجي تقضيها تشات هنا :)
سوري يا نور انت وسويدي واحد برضه
اى وقت تحبيه هاتيهم انتى بس ومالكيش دعوة
:D
أسئلة جدية مشكور جدا
ودمت بخير
أحلام
ربنا يخليكي و علي فكره السؤال ده اكتر سؤال عجبني ......ايه رأيك
سويدي و نوران :
هو انا اغيب كام يوم الايكوا قلبتوها شات بوكس
علي فكره يا نوران انتي هاتعيشي احلي خمس سنين في حياتك في هندسه
اومرزوك
الف شكر و ما تقطعش الزيارات
تاج رائع لشخص يستحقه
الف شكر يا مفيد ونورت البلوج
kont harood 3lek 3and Lasto-Adry bas 2olt azoor el blog beta3tak a7san .....la2etak enta kaman handsa we zomol ...wana 2olt lahget el tafa2ol deeh mesh 3`areeb 3leya !!!!!!rabbena yefokk seegnena gamee3an menha 3la 7`air !
آآآآآآآآمين يا حاج سيلفر ....وشكرا عالزياره
متاكد انهم هيبقوا خمسة بس ولا هيطولوا
مكنتش عايز اصمدك واقلك انهم الذ سبع سنين في حياتي بس انتي اللي صممتي
كلنا لها
fe3lan fy tags ktir abl keda et3amalet bas dah a7san tag shofto bsra7a
antouk
الموضوع ده يعود فيه الفضل لاحلام لأنها هي صاحبه الفكره وهي اللي عملت التج ده
هاى نور
بصراحة دا تالت بلوج ادخله والاقى فيه الحوار الصريح دا
هو فيه ايه
؟؟؟؟
جميل قوي الاستسقاء ده كلنا عملناه
((
فين الجديد بقي؟
خالص تحياتي
مورجن :- اصل التاج ده لف علي كل البلوجرز تقريبا
كلبوزه:- انا والله نفسي اكتب بس كل ما ابقي محضر حاجه اكتبها علي ماجي اكتب اكون نسيت انا كنت هاكتب عن ايه
زهايمر مزمن
نور أنا أهوه
شكراً على سؤالك علينا
ربنا يكرمك
انا هعمل التاج قريب انشاء الله
النهارده فرح يا جدعان .......تاتي كتبتلي كومنت انا اكيد امي دعيتلي وقالتي روح يا بني اللهي تاتي تبعتلك كومنت
حمد الله عالسلامه وعود أحمد......مستنين بوسطاتك الجديده بقي
دي مش دعيتلك بس دي دعيتلك في ليلة القدر كمان
ازيك يا نور عامل ايه؟
انت كمان فين البوستات الجديده يابني؟
انت بس تؤمريني لو كنتي عملتي ريفرش للبلوج كان جالك البوسط الجديد
انا اكيد العيله كلها دعيالي تاتي وبسبس في يوم واحد ده ايه الهنا ده
Post a Comment
<< Home