سكوت مش هانعمل حاجه

الكلمه ايد الكلمه رجل الكلمه باب

الكلمه نجمة كهربيه في الضباب

الكلمه كوبري للصلح فوق نهر العذاب

الجن يا أحباب ما يقدر يهدمه

ما أحلي الكلام

وما أعظمه

ما ألزمه

في البدء كانت كلمه الرب الاله خلقت حياه والخلق منها .

أتعلموا .....فاتكلموا

الأغنيه : محمد منير

الكلمات :صلاح جاهين

أنا من رايي الشخصي ان شعب زي شعبنا العربي خساره فيه نعمه الكلام .

قلي ليه يأبو الأنوار اقلك احنا شعب بطبعه طق حنك زي اخوانا الشوام ما بيقولوا علي سبيل المثال لا الحصر عندك اشاعه الميه الملوثه اياها انشرت ازاي ماهو شعبنا الذيذ المحب للكلام زي عنيه .

مثال تاني العباره اللي غرقت قلي عملنا ايه غير الصويت واللطم ولااي فعل طيب فين حبيبنا ممدوح _مالك العباره_ في السجن لا سمح الله ابدا في بيته معزز مكرم ولا علي باله الناس اللي لسه جثثها في البحر.

أخيرا : وهو الأخطر الرسوم الدنماركيه

عملنا ايه غير الجعجعه والمقاطعه الرهيبه ماهو الموضوع أكبر من كده فين المسلمين اللي المفروض يعرفوا الغرب بالاسلام من خلال العمل باخلاق النبي الكريم صلي الله عليه وسلم وفين اعلامنا الهايف معلش قصدي الهادف ده طبعا غير الاعلام بتاع روبي وهيفا

خلاصه الكلام من كان منكم تكلم فليقل خيرا او ليصمت.....اخرصوا من الاخر

أنفلونزا الطيور

يا طير يا عالي في الســــــما طظ فيك
ما تفتكرشي ربنا مصطــــــــــــــــفيك
برضـــــــــــك بتاكل دود و للطين تعًًًًودً
تمـــــــــص فيه يا حلو .. و يمص فيك
عجبي !!!

صلاح جاهين

مــــــــــــر الكــــــــــــــــــــــلام

مٌر الكــــلام

زى الحســـام

يقطع مكان ما يمر

اما المديح سهل ومريح

يخدع صحيح ويغٌر

والكلمة دين

من غير إيدين

بس الوفاع الحر

أحمد فؤاد نجم

بلا حب بلا نيله

حب ايه اللي الناس دي فرحانه بيه وعاملينله عيد ال ايه واسم فالنتين داي طب عليا الطلاق بالتلاته ان سألت حد من اللي ماشينلي بقلوب قد الأتوبيس مين فالنتين ده وعرف يجاوب...... أنا شخصيا عرفت حوار فالنتين ده صدفه.

ثانيا :وعلي رأي الفنان الكبير - في الحجم طبعا- محمد سعد يحيا سعد حب ايه حب اه بلا نيله الحب ده وسيله فاشله لاقامه علاقه فاشله اكيد مع واحد أو واحده فاشلين برضه ولا ايه اهه العبد لله بلغ من العمر ازله -من الزاله يعني- وعايش مسالم من غير وجع قلب ونكد ودي تقولك بصيت لسوسو بصه مش هيه والتانيه تقولك انا زهقانه ماتيجي نروح السيما وكع يا معلم .........

ثالثا : وده الأهم حب ايه وعيد حب ايه ياعلم يا ........ (من غير اله ادب) وفي الف وشويه ماتوا في حادث العباره لأ والادي ان الشعب ولا معبر الناس ديه اكنهم يهود وعم ممدوح اسماعيل باشا-صاحب العباره- ناقص يمد اهالي الميتين عاشان ركبوا معاه معاه حق غرق ليه تلات عبارات بس من تمنتاشر لسه بااااادري .

كفايه كده بلا غم

الـمـوت فـى الـفـراش

-1-:

..أيها السادة

لم يبق اختيار..

سقط المُهرُ .. من الاعياء..

وانحلت سيور العربة..

ضاقت الدائرة السوداء حول الرقبة..

صدرنا يلمسه السيفُ!!.

.وفى الظهر الجدار

-2-:

أيها السادة..

لم يبق انتظار

قد منعنا جزية الصمتِ لمملوكٍ وعبدْ

"وقطعنا شعرة الوالى " ابن هند..

ليس ما نخسرهُ الان..

سوى الرحلة من مقهى الى مقهى!!

ومن عارٍ.. لعارْ

****

..على محطات القرى

ترسو قطاراتُ السهادْ

فتنطوى أجنحة الغبار فى استرخاءة الدُنوّ

والنسوة المتشحاتُ بالسوادْتحت المصابيح ،

على أرصفة الرسوّذابت عيونهن فى التحديق والرنوّ..

علَّ وجوه الغائبين منذ أعوام الحداد

تشرقُ من دائرة الأحزان والسلوّ

****

ينظرن ..

حتى تتآكل العيونُ.

.تتآكل الليالى.

.تتآكل القطاراتُ من الرواح والغدوّ

والغائبون فى تراب الوطن – العدوّ.

.لا يرجعون للبلاد!!..

لا يخلعون معطف الوحشة عن مناكب الأعياد

-3-..

نافورة حمراء.

.طفل يبيع الفُلَّ بين العربات..

مقتولة تنتظر السيارة البيضاء

كلبٌ يحكُّ أنفه على عمود النورْ

مقهى .. ومذياعٌ .. ونردٌ صاخبٌ .. وطاولاتْ

ألوية ملويه الاعناق فوق الساريات

..أندية ليلية..

كتابةٌ ضوئية

الصحف الدامية العنوان.. بيض الصفحاتْ ..

حوائط وملصقات

(تدعو لرؤية (الأب الجالس فوق الشجرة!!

والثورة المنتصرة:

إيقاعات

سرحان... يا سرحان..

والصمت قد هدَّكْ حتى متى وحدكْ يَخْفِرُك السجان ؟

****

..نقْتُلُ .. أو نُقْتَلْ

هذا الخيار الصعبْ..

وشلنا بالرعب..

تَرَدُّدُ العُزَّلْ

****

فى البيت ، فى الميدانْ!!

نُقْتَلُ .. يا سرحان
أبخرةُ الشاى .. تدور فى الفناجين ،

وتشرئب..يلتَمُّ شمل العائلة..

إلا الذى فى الصحراء القاحلة.

.يرقد فى أمعاء طائرٍ وذئب.

.يهبط من صورته المقابله.

.يلتف حول رأسه الدامى شريط الحزنْ

يجلسُ قرب الركنْ..

يصغى إلى ثرثرة الأفواه والملاعق المبتذلة

ينشقُّ فى وقفته .. نصفين

يصبُّ فى منتصف الفنجان ..

قطرتين من دمه

ينكسر الفنجان .. شظيتين..

ينكسر النسيان..

وهو يعود باكياً..

إلى إطار الصورة المجللة!!!..

بآية القرآن:إيقاعات..

الدم قبل النوم نلبسه .. رداء

والدم صار ماء..يراق كل يوم

الدم فى الوسائدْ بلونه الداكنْ

وواللبن الساخنْ تبيعه الجرائدْ

****

اللبن الفاسدْ

اللبن الفاسدْ

اللبن الفاسدْ

يخفى الدم – الشاهدْ

****

-4-

أموت فى الفراش .. مثلما تموت العير

"..أموت ، والنفير..يدق فى دمشق

أموت فى الشارع : فى العطور و الازياءْ

أموتْ .. والاعداءْ..تدوس وجه الحق

" وما بجسمى موضع الا وفيه طعنة برمحْ ..

".. إلا وفيه جُرحْ..

إذن".. فلا نامت أعين الجبناء"

أمل دنقل 1970

ابطال افريكيا أهم

أنا قلبي كورة و الفراودة أكــــــــــم
ياما اتنطح و انشاط و ياما اتعكـــــم
و اقول له كله ح ينتهي في المعـــاد
يقول بساعتك ؟ و الا بساعة الحكم ؟
!!!عجبي

مصر هي مامتي

على اسم مصر

على اسم مصر التاريخ يقدر يقول ما شاء
أنا مصر عندي أحب وأجمل الأشياء
باحبها وهي مالكه الأرض شرق وغرب
وباحبها وهي مرميه جريحة حرب
باحبها بعنف وبرقة وعلى استحياء
واكرهها وألعن أبوها بعشق زي الداء
واسيبها واطفش في درب وتبقى هي ف درب
وتلتفت تلقيني جنبها في الكرب
والنبض ينفض عروقي بألف نغمة وضرب
على اسم مصر

مصر النسيم في الليالي وبياعين الفل
ومرايه بهتانة ع القهوة .. أزورها .. واطل
القى النديم طل من مطرح منا طليت
والقاها برواز معلق عندنا في البيت
فيه القمر مصطفى كامل حبيب الكل
المصري باشا بشواربه اللي ما عرفوا الذل
ومصر فوق في الفراندة واسمها جولييت
ولما جيت بعد روميو بربع قرن بكيت
ومسحت دموعي في كمي ومن ساعتها وعيت
على اسم مصر

مصر السما الفزدقي وعصافير معدية
والقلة مملية ع الشباك .. مندية
والجد قاعد مربع يقرا في الجرنال
الكاتب المصري ذاته مندمج في مقال
ومصر قدامه اكتر كلمة مقرية
قريتها من قبل ما اكتب اسمي بإيديا
ورسمتها في الخيال على أبدع الأشكال
ونزلت أيام صبايا طفت كل مجال
زي المنادي وفؤادي يرتجف بجلال

والدى الأراجوز

أنا عندى يا ولاد الحلال حدوتة

أنا والدى هو اللى عاشها

ولا حد قبلى نقشها فى خبر ولا مخطوط

كان والدى بالطبع زيى أراجوز

ولكن حزاينىوأنا كنت واد قطقوطالخالق الناطق ..دماغى دماغه

الخالق الناطق..كما الشموط

كان صوته - الله يرحمه - صفارة

وجسمه رايح جاى زى الفارة

وعضمه يا نجارين بيلق فى الزعبوط

وف يوم من الأيام- خلى بالك معايا ..هنا العقدة

-ندهه الملك وكان ملك أعظم من العمدة

وعينه مضحك ولى العهده

وقاله:يا ألعب من القرموط

تضحك الولد أعلى مراتبك تبكى الولد أقطع رقبتك

اسمع كلامى وامشى بالمظبوط

والدى الله يرحمه ما كانش ناقصه

طلع سلاح أبيضانى وقطع رقبته بنفسه

راح الولد فى البكاوأنا والدى مات مبسوط

أنا والدى مات مبسوط لأنه عكس أمر الملك أيام ما كان الملك..ملك

ومصروف الأمل مضغوط

ومن ساعتها وانا عندى جيوب أنفيه

وعنيا كما الحنفية

والدمع منى وفيا بحر ماله شطوط
فؤاد حداد

ماشي يا عم الجامد

الله يكرم الست نانسي عجرم علي اغنيتها بتاعت مصر-أنا مصري وبابا لأ- اللي رحمتنا من اغنية المصرين اهما
هي صحيح جايه عالجرح اياه بتاع انا مصري واخد بالك منديه أل وايه بابا -الله يكرمه- هو كمان مصري

طبعا شفتوا الكابتن ميدو مداميدو وهو بيربي الكابتن حسن شحاته ال ايه غيره من غير اذنه عجاااااااااااااااااااااايب

الاوله اااااااااااااااااااااااااااااااااااه

استعنا عالشقا بالله إحم إحم
يلا جدعان جاهزين؟؟ معلش اصل الدخله الأولي صعبه شويه هانقول ايه ولا ايه العمليه شكلها منيل بستين نيلة انا والله جت معايا كده انا لا كنت ناوي اعمل بلوج ولا نيله منه لله الواد محمد السويدى كنت عايز اكتب له كومنت اهه بقين حلوين ارفع بيهم روحه المعدنيه بس لقيت نفسي متدبس في بلوج اهه بلوج راجل ولا بلوج حيطه بس وادينا مع بعض دلوقت

شفتوا يا جدعان اهه جت من عند ربنا كده البدايه جت مع بدايه الحمله القزره علي اشرف الخلق سيدنا محمد عليه افضل الصلاه والسلام واحنا طبعا زي ما انتوا عارفين من الدول النايمه (علي ودانها وقفاها وكل حاجه )أمة عندها بري بري بعيد عنكوا مش فالحين غير في الغنا واللطم والصويت طب كفايه عليكوا كده دلوقتي الي اللقاء في البوست القادم ان شاء الله فل

موبايلااااااااات بقي,,,,,,,,,,,,,,,,,,,,,,, شالوم