مالك الحزين ..........سعيد علي مالك

أنا زي مانتوا عارفين ماكنتش ناوي أكتب أي حاجه -أصلي عامل اعتصام علي المهزلة التعليمية المسماه بالامتحنات- لكن منه لله اللي كان السبب-هما الصراحه سببين واحد حلو والتاني جابلي تخلف زياده عن اللي كان موجود اساسا-

السبب الأول:-

كنت قاعد في حالي في امان الله بتفرج عالست مني الشاذلي حبيبة الشعب المصري المغلوب علي امره و برنامجها الرائع العاشرة -والنصف- مساءا والاقيلك مين في وشي آل السيد الاستاذ الدكتور رئيس جامعتنا الموقر د/ عبد الحي عبيد بسم الله ماشاء الله الراجل مقتنع ان احنا عندنا بحث علمي متطور وعلي المستوي المطلوب عالميا .بأمارة ايه يا دكتور أفكرك بال 500 جامعة الأوائل اللي ماشاء الله ماشاء الله مافهاش ولا واحدة مصريه تبل ريقنا يا سيدي الفاضل و أستاذي العزيز حد لا سمح الله قالك علي حال الطالب المصري بعد التخرج ده في طلبة جامعه مبيعرفوش يكتبوا عربي -ده مش انا طبعا- لأ والحمد لله طلعنا من التلاتين الأوائل علي مستوي افريكيا -دي غير افريقيا بتعاتنا - يعني مستوي يشرف ده طبعا الدليل القاطع علي مستوي التعليم الواطي -قصدي العالي- في مصر المحروسه

أما السبب التاني :-

فهو الافراج عن الأخ مالك واربعه من زملائه في الحبس كفاره يا رجاله ربنا يكرمكوا يا رجاله عموما ربنا معانا و معاكوا لحد ما ربنا يكرمنا والبلد حالها يتصلح

* أنا كنت ناوي اكتب بقين لمالك وهو محبوس بس عملها وخرج يلا بقي اقولهم والسلام

مالك الحزين حزين علي مالك

مالك الحزين بيقول للبلد مالك

مالك الحزين سألها و ليه بتاكلي في عيالك

مالك الحزين مالقهر راح هالك

مالك الحزين حالف لياخد تارلك

من اللي سرق مالك

*دي أول محاولة شعريه ليا علي فكره يالا ياعم مالك مكتوبالك تكون اول اشعاري ليك_طبعا دي حاجه تشرفني-

الحق اروح اذاكر بقي

البوسط ده لتاتي

رغم اني مكنتش ناوي اكتب حاجه علي البلوج لغايه ما ربنا يفك أسري و أخلص امتحانات ............................. بس يلا عشان خاطرتاتي .كانت عايزه تعرف مين مؤلف القصيده اللي مكتوبه في البروفيل عندي وبيقيتها.... طبعا طلبات تاتي اوامر.......أي خدمه يا تاتي

بيانات على تذكرة مسجون

أحمد فؤاد نجم

الاسم : صابر

التهمة : مصري

السن : أصغر سن عصري

رغم انسدال الشيب ضفاير ضفايرمن شوشتي لما لتحت خصري

المهنة : وارث عن جدودي والزمان

صنع الحضارة والنضارةوالأمان

البشرة: قمحي

القد : : رمحي

الشعر : أخشن م الدريس

لون العيون : أسود غطيس

الأنف : نافر كالحصان

الفم : ثابت في المكانولما جيت أزحزحه عن مطرحه

كان اللي كان

جهة الميلاد : في أي أوضة مضلمة

تحت السمامن أيّ دار وسط النخيل

مطرح ما يجري النيل

مادام ما يكونش قصر

الحكم : من سبع تلاف سنةوأناراقد سجين

أطحن على ضراسي الحجرمن الضجروابات حزين

ملحوضة : سألني سائل

حبستك طالت وليه ؟

لأني طيّب وابن نكته

وابن ايه

مفيش مخالفة ركبتها ضد القانون

لاني خايف

والقانون سيفه ف ايديه

تسأل عليا المخبرين

في أيّ حين

تسمع وتقهم

قصتي ألف وبيه

الاسم صابرعلى البلا

أيوب حمار

شيل الحمول من قسمتي

والانتظار

أغرق في أنهار العرق

طول النهاروألم همي في المسا

وأرقد عليه

عرفت ليه

أكتوبر 1974

سويدي هو السبب

................التاج ده من سويدي آل ايه لازم اجواب الأسئله دي

افتح أقرب كتاب إليك، على الصّفحة 18، السّطر 4-

"an e.m.f. of 2 volt and a negligible internal resistance using kirchhoff's law

مد ذراعك اليسرى قدر ما تستطيع-

كبايه الشاي هاتقع

ما آخر ما شاهدته على التّلفزيون؟-

بتفرج دلوقت علي سهر الليالي

بدون أن تسترق النّظر، تكهن كم السّاعة؟-

.....اتنين و ربع

والآن كم السّاعة فعلاً؟-

اتنين

باستثناء صوت الكومبيوتر، أيّ صوتٍ تسمع؟

(الفيلم! (علي اشمعني دلوقت عايز تشرب بيره

متى خرجت من المنزل للمرّة الأخيرة؟ ماذا كنت تفعل؟

لسه جاي البيت الساعه 4 الفجر كنت بذاكر بره..

قبل مباشرتك بهذه الأسئلة، أيّ موقعٍ كنت تتصفّح؟

بلوج "سويدي وبنت مصريه"

ماذا ترتدي الآن؟

جلبيه بيضه -العيال كبرت- صحابي مسمينها كده

هل حلمت ليلة أمس؟

اه بس حلم ملغبط فاكر منه حتت عجيبه

متى آخر مرّة ضحكت؟

امبارح لما نقلت المسأله من الكتاب بالمشقلب

ماذا فوق جدران الغرفة حيث تجلس؟

فرااااااااااااغ

هل لاحظت شيئاً غريباً مؤخّراً؟

!لاحظت إاني مسطول فعلا والزهايمر بهدلني

ما رأيك في هذا الاختبار؟

هقول ايه بس.....منه لله اللي بعته كان زماني قاعد اذاكر

ما آخر فيلم شاهدته؟

تاني انت اهبل يابني ماقلنا سهر الزفت اليالي

إذا أصبحت فاحش الثّراء، فماذا تشتري؟

فراري وفيلا في قلب الكوربه

أخبرني شيئاً أجهله عنك

اني سيكوباتي

إذا كان بإمكانك تغيير شيء واحد في العالم، بغض النّظر عن المعاصي والسياسة، فماذا تختار؟

الدستور المصري...سياسه برضو

جورج بوش؟

سفاح مخطط للي بيعمله

لو كان وليدك الأوّل فتاةً، فماذا تسمّيها؟

نور

لو كان وليدك الأوّل صبيّاً، فماذا تسمّينه؟

أدهم

قد تفكّر يوماً في العيش بالخارج؟

قول يارب

ماذا تتصوّر أن يقول لك الله عندما تقف بين يديه؟

ماذا فعلت لنصرة عبادي........ربنا يغفرلنا جميعا

أربعة أشخاص تمرّرلهم الدّور؟

أول اربعه اقابلهم في وشي

حدث في مثل هذا الوقت

زي دلوقت من كل سنه بتلقي الشوارع باليل فاضيه والشباب بدل وقفه النواصي قاعد لامم نفسه وسهران يذاكر قال يعني هيخترع الذره مع ان التعليم ده من وحهه نظري الشخصيه افضل وسيله تدمير للبشر في العالم -ده طبعا التعليم المصري- اللي احنا متنيلين فيه وعلي رأي خالد كساب- في الدستور- التعليم كالماء والهواء ......والأنتخابات ملوث تماما بس قدرنا نعمل ايه نقضي اجمل ايام شبابنا نمتحن ونحفظ لحد مايجلنا تخلف يعني مثلا كليه زي كليه الهندسه -اللي هي كليه عملي واخدلي بالك- عمرنا ماشتغلنا بأيدينا اللهم الا في التدريب الصيفي اللي هو احد اشكال العذاب هاتقولي ليه هاقلك لأن كليتي في حلوان حيث التلوث بالأسمنت وجميع انواع مسببات الأحتباس الحراري - الله عالكلام الكبير ده- ودرجه الحراره يدوب 49 قول 50 درجه سليزيوس -مئويه يعني بس قلت أكمل فذلكه- والورش في مكان رائع تقريبا كان مخبأ نووي و قلبوه معامل بعد ما الألمان سابو المبني -أصل الألمان هما اللي بانين الكليه- درجه الحراره بتزيد فيه عشره خماشر درجه كمان اختصر وقول فرن بس لسه التقل ورا حيث ياعم الحاج انت عندك اساسا فرن بجد بتاع ورشه السباكه -سباكه معادن مش صرف صحي يا ناصح- و ورشه الحداده ده غير اللحام بالغاز يعني جو رائع ومساعد جدا علي الابداع ............ابداع أديني جيت عالجرح حيث طبعا انتوا عارفيت ان المهندس في الأصل المفروض فيه الابداع وتشغيل المخ وطبعا نظام تعليمنا الرائع بيخلينا نشغل مخنا عالأخر لدرجه اني خايف ليتحرق من كتر الشغل وطبعا دكاترنا الأعزاء بيساعدونا علي التفكير والابداع لدرجه انك لو سألت المعيد هي المسأله ديه جت منين هيقولك احفظها كده........ و لاعزاء للابداع و ياسلام بقي علي ابداع مشاريع التخرج حدوته تانيه أصل الدكاتره بتنجز وتعمل نفس مشاريع السنه اللي فاتت وياسلام بقي لو جاله جروب متفائل وفاكر ان الدنيا بخير وجايبين فكره جديده عايزين يعملوها يبقي سنه اللي جابوهم سوده الدكتور هايقلهم بطلوا فذلكه قال يعني من العبقريه بتاعتكوا وكلام من اللي بيساعد علي الابداع

المهم انا قرفت من التعليم وعايز اعتزل بس مستحرم الست سنين اللي قضيتهم في الكليه

باخد علي قفايا وعلي رأي واحد صاحبي انتوا متعرفهوش ................. خلاص هبطل علام واسرح ببيض و سميط

ملحوظة

ترك اللص لنا ملحوظة

فوق الحصير

جاء فيها لعن الله الامير

لم يدع شيء لنا نسرقه

إلا الشخير

أحمد مطر

الموجز

ليس في الناس امان

ليس للناس أمان

نصفهم يعمل شرطياً لدى الحاكم

والنصف مُدان

أحمد مطر