لبنـــــــان

إذا الـشـعـب يـومــاً اراد الـحـيــاة

فـــلا بـــد أن يستـجـيـب الــقــدر

ولا بـــــد لــلــيــل أن يـنـجــلــي

ولا بـــــد لـلـقـيــد أن يـنـكــســر

ومـن لـم يعانقـه شــوق الحـيـاة

تـبـخـر فـــي جــوهــا ، وانــدثــر

فويـل لـمـن لــم تشـقـه الحـيـاة

مــن صـفـعـة الـعــدم المنـتـصـر

كـذلــك قـالــت لــــي الـكـائـنـات

وحـدّثـنــي روحــهــا الـمـسـتـتـر

ودمـدمـت الـريـح بـيــن الـفِـجـاج

وفــوق الجـبـال وتـحـت الـشـجـر

إذا مـــا طـمـحـت إلــــى غــايــة

ركـبـت المـنـى ونسـيـت الـحــذر

ولـــم أتـجـنـب وعـــور الـشـعـاب

ولا كـــبٌــــةَ اللهب الـمـسـتــعــر

ومــن لا يـحـب صـعــود الـجـبـال

يـعـش ابــد الـدهـر بـيـن الـحـفـر

أكلت يوم أكل الثور الأبيض

قرأت في صغري قصه تتحدث عن مجموعة من الثيران كان يقودها ثور أبيض اللون وكان هذا الثور مثال للقائد العادل الذي يحمي مجموعته وأي حيوان آخر مستضعف وكان الذئب يحاول دائما مهاجمة المجموعه للحصول علي صيد ثمين بحجم أحد هذة الثيران ولكن كان كلما حاول تصدي له القطيع بكامله بقياده القائد الأبيض والذي كان يجمع الجميع علي رأي واحد مهما بدي بعض الخلاف

وكان هذا يؤرق الذئب لذلك قرر البدأ بالوقيعه بين هذة المجموعه المتماسكه عملا بالمثل القائل فرق تسد ولذلك بدأ بالتقرب من أحد الثيران وأخذ يؤلبه علي هذا القائد العادل واعاد الكره مع أكثر من ثور حتي بدأ الجميع في كره الثور الأبيض ولما نال الذئب مراده من الفتنه بين المجموعه وقائده جائهم علي هيئه المخلص من ظلم هذا الزعيم الظالم -ما أشبه ليلتهم ببارحه العراق الحزين- وقال لهم اني ممكن أن أساعدكم ولكن عن شرط أنه اذا هاجمت الأبيض فخلوا بيني وبينه ولا تتدخلوا وبعد ذلك أعدكم أني ابتعد عن هذا القطيع نهائيا - ساذج من يصدق الذئب- ففعلوا ما اتنفقوا عليه حتي انتهي الذئب من الثور الأبيض ......كانت الفتن ظهرت في القطيع علي قيادتهم واخذوا يكلوا لبعضهم وتعاون البعض منهم مع الذئب للخلاص من منافسيه -ولا انتخابات مجلس الشعب يا جدع- حتي تمكن الذئب من جميع القطيع وبقي الثور الاسود وحيدا فهجم عليه الذئب واكله ...................عند موته قال

أكلت يوم أكل الثور الأبيض

تذكرت هذه القصه مع بدايه ضرب اسرائيل -الصديق اولمرت علي رأي واحد صاحبنا معرفهوش- للجنوب البطل حينما قالوا اننا نضرب حزب الله حماية لأمننا وأمن لبنان -وأنت مال أهلك انت بامن لبنان- وقبلها قالوها في بدايه ضرب العراق وبعدها مع سوريا

ربنا يستر ومانقلش ضربنا يوم ضربت العراق

القصه مأخوذه بتصرف من كتاب كليله ودمنه للكاتب بيدبه*

اللقطه دي مش من مسلسل الساعه سبعه

للأسف أنا كنت مجهز البوسط ده قبل ضرب لبنان لكن ما كنتش فاضي ابعته غير دلوقت طبعا موضوعلبنان ده عايزله كتب نتكلم فيها عن البلاد العربيه ومواقفها النبيله من شجب وادانه للاعتداءات الواقعه من حزب الله علي اسرائيل الشقيقه -نسيوا ان في اتفاقيه دفاع مشترك مع العدو اللبناني - معلش عامل السن بقي

اما الموضوع اللي كنت ناوي اكتبه كان عن حبس ابراهيم عيسي رئيس تحرير الدستور

اللقطه الاولي : في دهاليز المكتب الرئاسي

الساعه تشير الي بعد منتصف الليل

الرئيس : واد يا فتحي احنا مش عايزين البهايم اللي عاملنلي فيها صحفين ياخدوا راحتهم انا هامسح بيهم بلاط السجون

فتحي : تحت امر معاليك يا باشا مفيش حاجه هاتعدي من تحت ايدي في المجلس وربنا يخليلنا منافقون منافقه

الريس : اتكل علي الله انت دلوقت

يدخل الواد

الواد : بابا عايزين نعمل شو جديد عن حنيتك زي بتاع البت الاء

بابا : عنيا يا حبيبي

في الصباح

المكان : المجلس الموقر -مجلس الشعب سابقا-

نواب المعارضه يصيحون : مش هاينفع كده ده ظلم ومخالف للدستور-غير دستور ابراهيم عيسي-

الوزير الجامد : الدستور ده عند امه يا ادهم

فتحي : سكوت يا جماعه الريس اداني ميسد اصبروا لما اكلمه من الكشك اللي جنب المجلس

يخرج فتحي وكل النواب معا الي الكشك

فتحي: الو صباح الفل يا كبير

الكبير : واد يا فتحي انت مزعل نواب المعارضه منك ليه مش قلتلك تعملهم كل اللي عايزينه

فتحي : بس سعادتك

الريس : مفيش بس انت تعمل اللي بقولك عليه

النواب لاصقين ودانهم في السماعه:الله اكبر الله اكبر ظهر الحق عاش الرئيس الانسان

ليلا في المكتب-بعد حبس عيسي وسحل وائل-ة

الواد : برافو يا بوب هيا دي الصياعه

بابا: عشان تتعلم يا قفي

فتحي : وانا اللي كنت فاكرك بتتكلم جد... معلم يا كبيرالنواب بيخبطوا دماغهم في الحيط

ستار

اخر احباطاتي الصيفيه

عندما يصبح الحزن لذة نسترجعها وقت الفرح

عندما نخلق من التجربة خيمة حكمة نجلس بداخلها لنفلسف حياتنا الموجودة في الخارج

. نتحول إلى قلوب مرهفة تستشيرها أي ذكرى وتبكيها أي فكرة

، قلوب تخشى الانكسار بعد الانكسار الأول فتبقى في خيامها

حتى يأتي بدوي غريب ليصلح أوتادها

من روايه بنات الرياض

مش عارف ليه مكتئب وقرفا ن وماليش نفس لاي حاجه في الدنيا وحاسس اني بقيت سيكوباتي - زياده لأني اصلا سيكوباتي - يعني النهارده كان مشروع التخرج بتاع اعز اصحابي وما رحتهوش جايز من كتر الفراغ اللي انا فيه الواحد كان لاقي حاجه يتلهي فيها مع كاس العالم كل يوم تنزعل علي القهوه تشوف الماتش و ترجع البيت الساعه اتنين ولا تلاته الصبح وتتقلب تنام وهكذا دلوقت الواحد هايعمل ايه ماليش نفس اكتب ولا اقرا ولا حتي العب عالكومبيوتر كل الايام شبهه بعض الفرق الوحيد صلاه الجمعه عشان بصليها في جامع بعيد مش اللي تحت البيت حتي العيال اللي كنت معاهم ليل نهار كلهم اشتغلوا ومشغولين في شغلهم وادي اخر واحد اهه مشروع تخرجه النهارده مفيش غيري اللي صايع كل ما اكلم حد يقولي هلكان مش فاضي ورايا شغل الصبح حاسس اني لوحدي حتي البيت مقرف كل واحد قاعد لوحده مالوش دعوه بالتاني وكل ما اقول ربنا يهديني وانزل اشتغل في المكتب بتاع ابويا اقول قعدت البيت اهون من العذاب اللي هيعذبهولي اول ما انزل معاه الشغل يقولي روح ودي الورق ده اسكندريه و بكره تطلع عالسويس ايه ده كنت محوشه اول ما اجيلك ...قلت الاكتئاب ارحم واهو بتعايش معاه وزي الفل جايز تضرب معايا وابقي زي الكتاب المشاهير اللي كانوا مرضي نفسين ومعقدين حاجه تقرف بعيد عنكوا

والالذ اني مستني النتيجه اليومين دول يعني اكتئاب بزياده

من طلب العلا ........... يتصل بابوها الاول

الصراحه لقيت الامثال دي جت لي علي الميل قلت لازم تقروها

من طلب العلا يتفضل فى كابينه 4

اللى بيته من‏ إزاز ميغيرش هدومه فى الصالون

‏ فاقد الشىء يدور عليه

‏ اقلب‏ القدره على فومها الفول يقع منها‏

تأتى الرياح محمله بالأتربة

ياخبرالنهارده بفلوس بكره ينزل عليه أوكازيون

‏اللى معاه قرش محيره يجيب‏ حمام ويحمره‏

جت الحزينه تفرح شغلت شريط حكيم وقعدت ترقص

قال‏ يامحشحشين يكفيكوا شر الكمين

اللى ياكل لوحده يشبع

لاتبكى‏ على اللبن فى البسكوت‏

اقطع عرق و حته بتلو

‏ اطبخى ياجاريه‏ الأنبوبه فاضيه يا سيدى

لو حبيبك عسل ما تحطلوش طحينة‏

اللى‏ يتلسع من الشوربه يتصل بالمطافى

وبكره ترجع ريما من عند خلتها فى‏ مارينا

‏ ياداخل بين البصله وقشرتها حط قطرة علشان هادمع
من‏ ريحتها‏

اصوم اصوم وافطر على المدفع

القرش الأبيض بيعوم فى‏ البحر الأحمر‏

ضربوا الأعور على عينه قالهم كسرتوا النضاره

‏ اللى ميشفش من الغربال يكشف نظر

المال السايب يعلم الطلبه

‏ نام وارتاح وكل عسل نحل التمساح‏

من خرج من داره مينساش يأخد المفتاح‏
معاه‏

الباب اللى يجيجلك منه الريح شيله وركب قبنورى‏

المضطر‏ يركب التاكسى

رب صدفة خير من ألف ليلة و ليلة‏

اللى يخاف من‏ العفريت يعمل عبيط

حجه البليد بصرف فلوسى على الوييد

المركب اللى فيها رايسين يلعبوا طاولة

اللى خدتوا الأرعه تخدو ام‏ الخلول

أكل العيش يحب الطعميه

lenses-العين عليها‏

قالوا للحرامى أحلف قالهم وحياة قلبى وأفراحوا

أمثــــــال‏ عربيــــات النقــــل‏

متبصليش بعين رضيه دنا طلع عين أمى فى‏ السعوديه‏

ربنا يحميكى من الميكانيكى

الحلوة أسمها‏ تفاحة للسفر والسياحة

الحلوة من حلوان وصاحبها راجل‏ غلبان

الحلوة من دمياط وعليها أقساط‏

قصه كفاح مش جايه على‏ المرتاح

متزمروش يابهايم دا السواق نايم‏

اجرى جري الوحوش‏ اوتوبيس 710 ماتلحقوش